Almaty oblysynyń ákimi Marat Sultanǵazıev «ASK Capital» jáne «Stroı Indýstrııa» JShS ókilderimen kezdesý ótkizip, óńirdegi týrıstik salaǵa baǵyttalǵan ınvestısııalyq jobalardyń iske asyrylý barysyn talqylady, dep habarlaıdy Egemen.kz.
Kezdesý barysynda ınvestorlar eki jobany tanystyrdy. Atap aıtqanda, etno-týrıstik «Kóshpendiler qalasy» kesheniniń tujyrymdamasy jáne Kegen aýdanyndaǵy «Qara shatqal» týrıstik aımaǵynda aspaly áınek kópir salý jobasy usynyldy.
«ASK Capital» JShS Almaty oblysynyń týrıstik áleýetin damytýǵa jáne ishki ári sheteldik týrıster úshin jańa tartymdy nysan qalyptastyrýǵa baǵyttalǵan aspaly áınek kópir jobasyn tanystyrdy. Jobanyń jalpy quny – 1,5 mlrd teńge. Qurylys kezeńinde 120 ýaqytsha jumys orny, al nysan paıdalanýǵa berilgennen keıin 58 turaqty jumys orny ashý josparlanǵan. Jobany iske asyrý merzimi 2025-2026 jyldar. Tolyq iske qosylǵannan keıin nysan jylyna 400-600 myń týrıst qabyldaı alady.
Almaty oblysynda mekteptegi qurylys olqylyqtary baqylaýǵa alyndy
2024 jyly aýdandyq bıýdjet esebinen 57 mln teńge kóleminde elektr jelilerin tartý jumystary júrgizilip, paıdalanýǵa berildi. Qazirgi tańda avtoturaq pen pavılon qurylysyna arnalǵan alańdy daıyndaý jáne tegisteý boıynsha jumystar aıaqtalǵan. Joba bastamashysynyń málimetinshe, qazirgi ýaqytta jobalyq-smetalyq qujattama memlekettik saraptamadan ótip jatyr. Saraptama qorytyndysy alynǵannan keıin qurylys-montaj jumystary bastalmaq.
Sondaı-aq kezdesý barysynda kóshpeli órkenıettiń tarıhı-mádenı murasyna negizdelgen, óńirdiń týrıstik áleýetin keshendi damytýǵa baǵyttalǵan «Kóshpendiler qalasy» jobasy tanystyryldy. Joba ınvestordyń 100% jeke qarajaty esebinen júzege asyrylady.
Elimizdegi ekinshi AES Almaty oblysynda salynady
Boljam boıynsha, etno-týrıstik keshen jylyna 150 myńǵa deıin týrıst qabyldaı alady. Qurylys kezeńinde 120-ǵa deıin jumys orny, al paıdalaný satysynda 80 turaqty jumys orny ashylady. Keshenniń jobalyq qýattylyǵy – týrıstik maýsymnyń sharyqtaý kezeńinde kúnine 2 myń adamǵa jetetin bolady.
Kezdesý sońynda baılanys jelileri men telekommýnıkasııalyq ınfraqurylymǵa qoljetimdiliktiń joqtyǵy sekildi birqatar ózekti máseleler talqylandy. Almaty oblysynyń ákimi tıisti memlekettik organdarǵa qoldanystaǵy zańnama aıasynda atalǵan máselelerdi sheshý joldaryn pysyqtaýdy tapsyrdy.
Almaty oblysy