Almaty taýyna qarańǵy ýaqytta kóterilgen úsh 15 jastaǵy jasóspirim taýdan qaıta túse almaı qalǵan. Olardy túsirý úshin TJM qyzmetkerleri kómekke keldi. Kámeletke tolmaǵandar zardap shekken joq, dep habarlaıdy Egemen.kz.
Jasóspirimder «Densaýlyq baspaldaǵy» aýdanyndaǵy taýly aımaqqa kóterilgen, alaıda óz betimen tómen túse almaǵan. Sol sebepti olar qutqarýshylardan kómek suraǵan.
«Sıgnal túskennen keıin Almaty qalasy TJD qutqarý qyzmetiniń qutqarýshylary respýblıkalyq «Barys» jedel-qutqarý jasaǵymen birlesip, dereý kórsetilgen aýdanǵa attandy. Túngi ýaqytta taýly jerde qozǵala otyryp, olar jasóspirimderge jedel jetti. Oqıǵa ornyna kelgende jasóspirimderge medısınalyq kómek qajet emes ekeni anyqtaldy», dep habarlady TJM.
Qutqarýshylar jasóspirimderdi qaýipsiz túrde tómen túsirip, ata-analaryna tapsyrdy.
Almaty taýlarynda týrıst aýyr bas jaraqatyn aldy