Aqparattar aǵyny

*Elimizdiń egin alqaptarynda bıylǵy astyqtyń úshten biri jınaldy. Oblystyq aýyl sharýashylyǵy basqarmalarynyń 22 tamyzdaǵy derekteri boıynsha, eginshiler 916,3 myń ga. dándi daqyldy alqapty oryp bastyrǵan. Budan 1411,7 myń tonna astyq alynyp, ortasha ónimdilik gektaryna 15,4 sentnerdi qurap otyr.

*Elimizdiń egin alqaptarynda bıylǵy astyqtyń úshten biri jınaldy. Oblystyq aýyl sharýashylyǵy basqarmalarynyń 22 tamyzdaǵy derekteri boıynsha, eginshiler 916,3 myń ga. dándi daqyldy alqapty oryp bastyrǵan. Budan 1411,7 myń tonna astyq alynyp, ortasha ónimdilik gektaryna 15,4 sentnerdi qurap otyr.

* Qaraǵandyda Shahter kúni qar­sań­ynda «Úzdik kórkeıtýshi bıznes-ny­san» konkýrsynyń qorytyndysy shyǵa­ry­lady. Oǵan qatysýshy 14 úmitker kenshiler qalasyn kóriktendirýge erekshe úles qosyp júrgen kompanııalar arasynan iriktelip alyndy.

* Taıaý aralyqta Ońtústik Qazaqstan ob­lysynyń Otyrar aýdanynda kún batareıalary shyǵaryla bastaıdy. Shym­kent­te ótken ınvestısııalyq kórmede ony satyp alýǵa nıettiler kóp boldy. Al mamandar 4 jylǵa arnalǵan 20 megavattyq jobanyń osy aralyqta ózin ózi tolyq aqtaıtynyna senimdi.

* Shyǵys Qazaqstandaǵy Shemonaıha aýdanynda sońǵy 30 jylda birinshi márte 30 páterli úı salynyp, paıdalanýǵa be­ril­geli tur. Munda budan basqa, alǵash ret qazaq tilindegi 320 oryndyq mektep pen 100 oryndyq ınternat boı túzeıtin bolady. Aý­dannyń qurylys salasyndaǵy osyndaı zor órleýge súısingen oblys ákimi Berdibek Saparbaev «aımaqtaǵy barlyq aýyldar men aýdandardyń osylaısha jumys isteýleri kerek» ekenin atap ótti.

* Bıyl 195 jyldyǵyn toılaıtyn Qy­zylorda qalasynda sol merzimge deıin 23 oıyn-sport alańy qatarǵa qosylady. Shahar basshysy Nurlybek Nálibaev oblys ortalyǵynda taıaýda ǵana 42 aýla men 27 al­leıa­nyń abattandyrý úderisinen ótkenin má­limdedi.

*Almatyda №162 mektep-gımnazııanyń dırektory para alý ústinde qolǵa tústi. Bilim oshaǵyn 5 jyl basqarǵan bas pedagog ba­la­sy men nemeresin osyndaǵy 1-synypqa bergisi kelgen ata-anadan 400 dollar talap etken eken.

* Jambyl oblysynda sońǵy 20 jylda birinshi ret sekseýil otaǵandar sottaldy. Moıynqum aýdanynyń 3 turǵyny osy úshin 1 jylǵa bas bostandyqtarynan aıyryldy, sot sheshimimen olardan KamAZ, ÝAZ mashınalary men «Ýral» motosıkli, sondaı-aq, 9,2 tekshe metr sekseýil tárkilenip alyndy.

«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.