Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2010 jyldyń sáýir-maýsymynda jáne qazan-jeltoqsanynda kezekti merzimdi áskerı qyzmetke shaqyrý týraly
“Áskerı mindettilik jáne áskerı qyzmet týraly” Qazaqstan Respýblıkasynyń 2005 jylǵy 8 shildedegi Zańyna sáıkes qaýly etemin:
1. Belgilengen áskerı qyzmet merzimin ótkergen merzimdi áskerı qyzmettegi áskerı qyzmetshiler 2010 jyldyń sáýir-maýsymynda jáne qazan-jeltoqsanynda Qazaqstan Respýblıkasynyń Qarýly Kúshteri, Qazaqstan Respýblıkasy Ishki ister mınıstrliginiń Ishki áskerleri, Qazaqstan Respýblıkasy Ulttyq qaýipsizdik komıteti, Qazaqstan Respýblıkasy Respýblıkalyq ulany, Qazaqstan Respýblıkasy Tótenshe jaǵdaılar mınıstrligi qatarynan zapasqa shyǵarylsyn.
2. Shaqyrýdy keıinge qaldyrýǵa nemese shaqyrýdan bosatylýǵa quqyǵy joq on segizden jıyrma jeti jasqa deıingi er azamattar, sondaı-aq oqý oryndarynan shyǵarylǵan, jıyrma jeti jasqa tolmaǵan jáne shaqyrý boıynsha áskerı qyzmettiń belgilengen merzimin ótkermegen azamattar 2010 jyldyń sáýir-maýsymynda jáne qazan-jeltoqsanynda Qazaqstan Respýblıkasynyń Qarýly Kúshterine, Qazaqstan Respýblıkasy Ishki ister mınıstrliginiń Ishki áskerlerine, Qazaqstan Respýblıkasy Ulttyq qaýipsizdik komıtetine, Qazaqstan Respýblıkasy Respýblıkalyq ulanyna, Qazaqstan Respýblıkasy Tótenshe jaǵdaılar mınıstrligine merzimdi áskerı qyzmetke shaqyrylsyn.
3. Jergilikti atqarýshy organdar tıisti jergilikti áskerı basqarý organdary arqyly 2010 jyldyń sáýir-maýsymynda jáne qazan-jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin.
4. Qazaqstan Respýblıkasynyń Úkimeti, Qazaqstan Respýblıkasy Ulttyq qaýipsizdik komıteti, Qazaqstan Respýblıkasy Respýblıkalyq ulany merzimdi áskerı qyzmetti ótkerý úshin Qazaqstan Respýblıkasy Qarýly Kúshterine, Qazaqstan Respýblıkasy Ishki ister mınıstrliginiń Ishki áskerlerine, Qazaqstan Respýblıkasy Ulttyq qaýipsizdik komıtetine, Qazaqstan Respýblıkasy Respýblıkalyq ulanyna, Qazaqstan Respýblıkasy Tótenshe jaǵdaılar mınıstrligine áskerge shaqyrylǵan Qazaqstan Respýblıkasynyń azamattaryn jóneltýdi jáne belgilengen merzimdi áskerı qyzmet merzimin ótkergen áskerı qyzmetshilerdi bosatýdy qarjylaı jáne materıaldyq qamtamasyz etýdi uıymdastyrsyn.
5. Osy Jarlyq alǵash resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti N.NAZARBAEV.
Astana, Aqorda, 2010 jylǵy naýryzdyń 29-y. № 960