Túbine tirshiliktiń taǵdyr ıe,
Táńirdiń quzyrynda bar dúnıe.
Shyndyǵyn qara tastyń balqytady,
Kelgende naýryz aıy sán kúıine.
Arylyp oı tumannan, sana bulttan.
Qudiretti Naýryz kelip,
Jazyldy eski jara jan aýyrtqan.
Qara ormandaı halqym meniń –
Qazaǵym!
Naýryz toıyn toılaı almaı,
Tarttyń talaı ozbyrlyqtyń azabyn.
Endi, mine, egemendi el bolyp,
Jettiń kútken armanyńa,
Dúrkiretip toı jasap,
Bar dúnıe jańardy.
Naýryz aıy kelgende
Kóz jiberip qarashy jan-jaǵyńa,
Tatý-tátti el bolyp,
Baqytty ómir súreıik.
Jaqsylyǵymen jaınatyp,
Qudaıym bizdi qoldasyn!
Ul-qyzdarym dana bop,
Bolashaǵymyz solmasyn!
Kóńilde kóterińki shattyq bolsyn,
Sútten aq, sýdan taza aqtyq bolsyn.
Qasqaıǵan qazaǵymnyń mańdaıyna,
Ketpesteı Alataýdaı baqyt qonsyn!
Áýmın!
Sábıt ORAZBAEV,
Qazaqstannyń halyq ártisi