Tamyzdyń 22-si kúni Danııanyń astanasy – Kopengagen qalasynyń turǵyndary óz ortalyqtarynda Gans Hrıstıan Andersen ertegisiniń keıipkeri – Rýsalkanyń statýıasy ornatylǵanyna júz jyl tolǵanyn keń kólemde atap ótti. Bul týraly «Gazeta.Rý» agenttigi habarlady.
Bul kúni Kopengagenniń áldeneshe myńdaǵan turǵyndary men júzdegen qonaqtary qala porty janyndaǵy Rýsalkanyń músini janyna jınalyp, án salyp, ertegi oqydy. Sonymen bir mezgilde sý perisiniń kıimin kıip alǵan kóptegen jas áıelder eskertkishtiń janynda sýǵa tústi.
Rýsalka – dat astanasyndaǵy aıryqsha nyshandardyń biri. Osy kezge deıin onyń, biraq, kórmegeni de joq eken. Bir kezderi eskertkishti qıratyp tastamaq bolyp, ony balǵamen urǵylaǵandar da, ústine boıaý shashqandar da bolypty. Alaıda, qoladan quıylǵan tas músin báribir myzǵymaǵan. Esesine, sosyn ony qorǵaıtyndar kóptep tabylǵan.
Murat Aıtqoja.