Iran Sırııa oppozısııasynyń hımııalyq qarý qoldanǵanyna dálel bar ekenin, jáne bul týraly barshaǵa habarlaıtynyn málimdedi. Bul týraly Al Arabiya basylymyna silteme jasaǵan «Gazeta.Rý» habarlady.
Degenmen, Iran Syrtqy ister mınıstrligi «barlyq múddeli kúshterdi Sırııaǵa shabýyl jasaýdan» saqtap qaldy. Buǵan deıin Iran prezıdenti Hasan Roýhanı Sırııanyń hımııalyq qarý qoldanǵanyn dáleldeıtinin aıtqan bolatyn, biraq naqty kimniń qoldanǵanyn aıtqan joq. Endi ol hımııalyq qarýdy Sırııa oppozısııasy paıdalandy dep otyr. Sol ýaqytta AQSh Jerorta teńizindegi áskerı kúshin kóbeıtip, Barak Obama Aq úıde Sırııa boıynsha jedel jınalys ótkizýde. AQSh áskerı-teńiz kúshteriniń Sırııa jaǵalaýyna zymyrandary bar tórtinshi áskerı kemeni jiberip otyrǵandyǵy belgili boldy.
Jaqynda AQSh prezıdenti Barak Obama eger Sırııanyń hımııalyq qarý qoldanǵany týraly aqparat rastalsa, onda «Amerıka muny nazarsyz qaldyrmaıdy», dedi.
Sırııanyń basty odaqtasy Reseıdiń málimdeýinshe, hımııalyq qarýdy úkimettik kúshter emes kóterilisshiler paıdalanýy múmkin.
Sırııa memlekettik BAQ-tyń habarlaýynsha, senbi kúni kóterilisshiler baqylaıtyn aýmaqta ýly zattardyń qory tabylǵan. Sırııalyq televıdenıeniń aqparaty boıynsha, jaýyngerler Djobar qalasyna kirmek bolǵanda tunshyqqan. Boljam boıynsha, Djobar - sársenbi kúni hımııalyq qarý qoldanylǵan shaǵyn qala. Sırııa oppozısııasy bolsa, sársenbi kúni úkimettik áskerlerdiń Damask mańyndaǵy áskerı operasııa kezinde hımııalyq qarý qoldanǵannan keıin júzdegen adamnyń qaza bolǵandyǵy týraly málimdedi.
Sultan Bozaıǵyr.