Nur-Sultan qalasynyń prokýratýrasy jáne Polısııa departamenti qyzmetkerlerinen turatyn birlesken mobıldi top jalpy mólsheri 900 lıtr, árqaısysy 5 lıtrlik 180 dana plastıkalyq saýyttarǵa quıylǵan medısınalyq preparattardy zańsyz kóterme saýda ótkizý faktisi boıynsha jol berilmedi, dep habarlady qala ákimdiginiń resmı saıty.
Karantın ýaqytynda elordalyq quqyq qorǵaý organdary medısınalyq zattardy zańsyz ázirleý, kóterme baǵamen satý faktisi boıynsha qala boıynsha tekseris jumystaryn júrgizýde.
Quqyq qorǵaý organdarynyń qyzmetkerleri reıd barysynda turǵyn úıdiń bazasynda jasaqtalǵan kishigirim sehty anyqtap, azamattardyń konteınerlerde 9 tonna spırttik suıyqtyqty zańsyz saqtaǵandyǵy aıqyndaldy. Zańsyz jasalǵan jáne satýǵa arnalǵan ónimniń jalpy somasy 27 mln teńgeni quraıdy. Medısınalyq preparattardy satý jáne etıl spırtin aınalymǵa shyǵarý lısenzııalyq qyzmet túrine jatatyndyǵyn eskere otyryp, lısenzııasyz zańsyz kásipkerlik qyzmetpen aınalysý faktisi boıynsha QR QK-niń 214-babynyń 1-bóligimen sotqa deıingi tergeý bastaldy.
Shuǵyl tergeý áreketterin júzege asyrǵan soń, qylmystyq is Nur-Sultan qalasy boıynsha Ekonomıkalyq tergeý departamentine joldandy. Qazirgi ýaqytta tótenshe jaǵdaı rejıminiń saqtalýyn qamtamasyz etý boıynsha elordanyń quqyq qorǵaý organdarymen tıisti jumystar jalǵastyrylýda.