JAŃA NYSANDAR BASTY NAZARDA

Nursultan NAZARBAEV: “Bolashaqtyń ekonomıkasy” sektor­laryna jeke toqtalǵym keledi. Nátıjeli de tıimdi qyzmet etetin ulttyq ınnova­sııalyq júıe onyń negizi bolýy tıis. Bizde qazirdiń ózinde bul baǵyttaǵy ázirlikter bar. Biz odan ári ilgeri ketemiz. Jańa Ýnıversıtettiń aıasynda Astanada úsh jańa ǵylymı ortalyq qurylatyn bolady.

(Qazaqstan halqyna Joldaýynan).

Keshe Elbasy Nursultan Nazarbaev Astana qalasynyń birqatar mańyzdy nysandarynyń qurylysyn aralap kórdi. Prezıdenttiń janynda Prezıdent Ákimshiliginiń Basshysy Aslan Mýsın, qala ákimi Imanǵalı Tasmaǵambetov boldy. Elbasy óziniń saparyn aldymen “Astananyń jańa ýnıversıteti” AQ tapsy­rys berýimen salynyp jatqan jańa ýnı­ver­sıtet qurylysyn kórýden bastady. Qury­lys­ty júrgizýshi túrkııalyq “Sembol ÝIаTPIT” AQ eken. Bul ýnıversıtet eldiń bo­la­shaq elıtasyn qalyptastyrý úshin Elba­sy Nursultan Nazarbaevtyń bastamasymen qurylyp jatyr. Ol qazaqstandyq bilim berý júıesine úzdik álemdik tájirıbelerdi qol­daný maqsatymen ashylyp, osy saladaǵy elimizdiń ulttyq brendine aınalýy tıis. Ol jospar boıynsha ústimizdegi jyldyń shilde aıynda ashylatyn bolady. Onda túsý em­tı­handaryn oıdaǵydaı tapsyrǵan tórt myńdaı talapkerdiń negizgi bóligi memlekettik bilim granttary boıynsha tegin oqıdy. Bir erek­sheligi, oqý aǵylshyn tilinde júrgiziledi. Ýnıversıtet mynadaı kásipter boıynsha ma­mandar daıyndaıdy: ınjınırıng, jara­ty­lystaný ǵylymdary, gýmanıtarlyq ǵylym, medısına, bıznes jáne memlekettik saıasat. Bul ýnıversıtet álemniń aldyńǵy qatarly 30-dan artyq bilim oshaqtarymen tyǵyz yntymaqtastyqta bolady. Ýnıver­sı­tet 2010 jylǵy qyrkúıek aıynda alǵashqy oqý jylyna qabyldanǵan stýdentterge aǵylshyn tilin úıretýden bastaıdy. Olarǵa sheteldik ustazdar sabaq beredi. Elbasy N.Nazarbaev jańa ýnıversı­tet­tiń qurylysy barysymen tanysyp, onyń úlken korpýsyn aralap kórdi. 122 myń sharshy metrdi quraıtyn osy nysanda qazir 1 myńnan artyq adam qurylys jumystaryn júrgizýde. Kampýstyń ortalyq alańynda kitaphana, leksııa tyńdaý zaldary, zert­hanalar, tamaqtaný ortalyǵy, dúkender, sport zaldary, t.b. bolady. “Astananyń jańa ýnıversıteti” AQ pre­zı­denti Aslan Sarındjınovtyń aıtýyna qaraǵanda, qurylystyń qalypty júrýine ke­dergi keltiretin problemalar joq. Son­dyqtan ol belgilengen merzimde paıdalanýǵa berilýi tıis. Memleket basshysy budan keıingi ke­zek­te elordanyń sol jaǵalaýynan oryn tep­ken “Han Shatyr” saýda jáne oıyn-saýyq ortalyǵyn aralap, onyń qurylysy bary­symen tanysty. Jalpy aýdany 133 myń shar­shy metrdi alatyn bul nysandy “Sem­bol Ýlýslararasy Iаtyrym Tarym Peızash Inshaat Sanaıı ve Tıjaret Anonım Shır­ketı” AQ júrgizýde. Dál qazirgi tańda atal­ǵan jańa ǵımarat kúmbezinde 836 ETFE etıl­flýoretılendi plenkanyń 801-i orna­lastyrylǵan. Al jalpy “Han Shatyrdyń” qurylysy­na keler bolsaq, onyń birinshi qabatynda avtokólikke arnalǵan parkıng jáne dúken, ekinshi qabatta saýda dúkenderi, úshinshide dúkender men kınozal, tórtinshide fast-fýd pen balalarǵa arnalǵan oıyn alańy, besinshi qabatta túrik monshalary men sulýlyq salondary, al altynshy jáne jetinshi qabattarda fıtnes ortalyǵy men akvapark ornalasatyn bolady. Búginde bul aıryqsha qurylys nysanyna 1000-nan astam jumysshy tartylǵan eken. “Han Shatyrdyń” basy-qasynda júrgen mamandardyń sózine qaraǵanda, atalǵan ǵımaratty bıylǵy jyldyń mamyr aıynda paıdalanýǵa tapsyrý mejelenip otyr. Astana qalasynyń maqtan tutar jańa mádenı ortalyqtarynyń biri – Kúlásh Baıseıitova atyndaǵy opera jáne balet teatrynyń jańa ǵımaraty bolmaq. Onyń úlken zalyna barlyǵy 1250 kórermen syıa­dy, sonyń ishinde úsh qabatty balkondary­nyń árqaısyna 250-den adam otyratyn bolady. Negizgi sahnanyń keńdigi uzynynan – 32, kóldeneńinen 24 metrdi quraıdy, al bıiktigi – 35 metr. Qabyrǵalary akýstı­ka­lyq paneldermen qaptalyp, operanyń ta­bıǵı daýysyn buzbaıtyndaı etip jasalmaq. Teatr ǵımaratynyń jalpy aýmaǵy 37,7 myń sharshy metrdi quraıdy. Qurylysshylardyń mejesine qaraǵanda, ol 2011 jyly, Qazaq­stan Táýelsizdiginiń 20 jyldyǵynda óziniń esigin aıqara ashpaq. Elbasy Nursultan Nazarbaev onyń irgetasyna kapsýla kómdi, sosyn jınalǵandardyń aldynda mádenıet ordalaryna sáıkes Astana turǵyndarynyń da, sonyń ishinde sheneýnikterdiń de máde­nıetti, bııazy, sypaıy bolýy kerek ekenin eskertti. “Bizder, astanalyq turǵyndar, ózge jerlerge qaraǵanda, áldeqaıda mádenıetti bolyp, basqalarǵa úlgi kórsetýimiz kerek. Sondyqtan da osyndaı mádenıet oshaq­taryn kóptep salyp jatyrmyz. Bul teńdesi joq tamasha teatr bolady”, dedi Elbasy. Elbasynyń budan keıin aralaǵan tór­tin­shi nysany – “Shabyt” shyǵarmashylyq saraıy boldy. Bul nysannyń qurylysyn 2008 jyldyń naýryz aıynan bastap “Bazıs-A” JShS korporasııasy júzege asyrýda. Tapsyrys berýshi – Astana qalasynyń qurylys basqarmasy. Al jalpy aýmaǵy 30 myń sharshy metrdi quraıtyn “Shabyttyń” jalpy qurylysyna 8,5 mlrd. teńge kóleminde qarjy jumsalmaq. Dóńgelek pishindes, aıshyqty ǵımarat 8 qabattan turady. Atap aıtar bolsaq, birinshi qabatta 500 oryndyq úlken jáne 140 oryndyq kishi konsert zaldary, balet zaly, sondaı-aq ashana ornalasqan. Al joǵary qabattarda 215 oqý synyptary bar. “Bul nysan Úkimettiń qaýlysy boıynsha, Qazaqstannyń Mýzykalyq akademııasynyń ǵımaraty bolyp esepteledi. Nysan qurylysy osy jyldyń tamyz aıynda aıaqtalmaq. Qazirgi tańda bul ǵımaratty paıdalanýǵa berý úshin arnaıy memlekettik komıssııa quryldy”, – dedi “Bazıs-A” JShS korporasııasynyń bas dırektory Seıitjappar Álimjanov. Onyń sózine qaraǵanda, nysan qurylysyn aldyn ala belgilengen merzimnen keshiktirmeı aıaqtaý kózdelip otyr. “Ǵımarat syzbasyn arhıtektorlar men Astana qalasynyń qurylys salasy mamandary ázirlegen bolatyn. Jaqyn kúnderi nysannyń syrtqy qurylys jumystary aıaqtalýy tıis. Al negizgi jumystardyń barlyǵy tegisteı júzege asyryldy. Ǵımarat qajetti qural-jabdyqtarmen jabdyqtaldy. Mundaı pishindegi ámbebap ǵımarat Qazaqstannyń esh jerinde kezdespeıdi. Bolashaqta ol Astananyń sán-saltanatyn eseleıtin aıshyqty ǵımarattardyń qataryn tolyqtyrady degen oıdamyz”,–dedi Seıitjappar Muhametálıuly. Jaqsybaı SAMRAT, Láıla EDILQYZY. Sýretti túsirgender S.BONDARENKO, B.OTARBAEV.