Bıyl munaıly Mańǵystaý toı qushaǵynda. О́z aldyna oblys bolyp shańyraq tiktegenine 40 jyl tolsa, oblys ortalyǵy, kók teńiz jaǵasyndaǵy taranǵan aqqýdaı ásem qala – Aqtaý jarty ǵasyrlyq ǵumyrynyń tabaldyryǵyn attady.
Bıyl munaıly Mańǵystaý toı qushaǵynda. О́z aldyna oblys bolyp shańyraq tiktegenine 40 jyl tolsa, oblys ortalyǵy, kók teńiz jaǵasyndaǵy taranǵan aqqýdaı ásem qala – Aqtaý jarty ǵasyrlyq ǵumyrynyń tabaldyryǵyn attady.
Bulardan basqa oblystaǵy Qaraqııa, Beıneý aýdandary – 40, Mańǵystaý aýdany 85 jyldyq mereıli jasta. Qazir óńirde oblys pen oblys ortalyǵynyń týǵan kúni qyzý atalyp ótýde. Qyrkúıek aıynyń 19-21-i aralyǵyna belgilengen aıtýly kúnge bir aı qalǵanda toı dabyly qaǵyldy deýge bolady. Mádenı sharalar tizbegi úzilmeı, san-sapat saltanat jalǵasyn tabýda. Olardyń arasynda túrli nysandardyń ashylýy, qaıyrymdylyq aksııalary, tanymdyq-ádebı, mádenı keshter men shoý-baǵdarlamalar, sporttyq oıyndar men saıys-básekeler bar. Teńiz jaǵasy sán-saltanat pen án-jyrdyń mekenine aınalǵaly qashan?! Teńizdiń salqyn lebinde keshki serýenge shyqqan turǵyndar tegin konsertterdiń kóńildi kórermeni bolý múmkindigine ıe. Buǵan deıin Munaıly, Túpqaraǵan aýdandarynyń ónerpazdary toıly Aqtaý qalasyna arnaıy kelip án-jyrdan shashý shashsa, aldaǵy kúnderi bul dástúrdi Qaraqııa aýdany jalǵastyrady dep kútilýde. Shara barysynda biz kýá bolǵan kesh – oblystyq mádenıet basqarmasy uıymdastyrǵan «Altyn júrek dombyra» atty jyrshylar saıysy boldy. Osylaı dep aldymen aýzymen qus tistegen jyrshylar mekeniniń búgingi býynyn ózara saıystyrǵan uıymdastyrýshylar, kelesi kúni «Mańǵystaýym – maqtanym» degen taqyrypta dástúrli ánshi-termeshiler, úshinshi kúni «Ǵasyrlar úni» atty kúı keshin ótkizdi. Úsheýi de halyqtyń tól óneri, qazaqy rýhy janshylmaǵannyń ańsap tyńdar jansýsary. Jyrshylar Nurym Shyrshyǵululy, Abyl Tileýuly, Qashaǵan Kúrjimanuly, Aqtan Kereıuly, Sáttiǵul Janǵabyluly, Túmen Baltabasuly, Nurpeıis Baıǵanın, Elbaı Qosymbaıuly syndy sóz zergerlerinen qalǵan marjan jyr men mánerli maqamdy dúbirletse, termeshiler olardyń aqyl-naqylǵa toly ósıet únderin jetkizdi. Dástúrli ánshiler «Adaıdyń jeti qaıqysy» degen atpen tarıhta qalǵan mańǵystaýlyq ánshilerdiń, sondaı-aq Muhıt pen Ǵarıfollanyń ánderin shyrqady.
«Bul – bastamasy. Mereıtoılar maǵynaly sharalarmen tolyǵa túsetin bolady», deıdi oblystyq mádenıet basqarmasy bastyǵynyń orynbasary P.Sarmurzına.
Gúlaıym ShYNTEMIRQYZY,
«Egemen Qazaqstan».
Mańǵystaý.