Taıaýda Jambyl oblysy boıynsha KBD «Qordaı» kedeniniń kontrabandaǵa qarsy kúres bóliminiń jáne «Qordaı» keden beketiniń qyzmetkerleri jedel-izdestirý sharalaryn júrgizý barysynda mynadaı oqıǵa boldy. Osy jerde Pasporttyq baqylaýdan ótken kedendik deklarasııalaýǵa jatatyn aqshany shekaradan ótkizýge oqtalǵan Qyrǵyz Respýblıkasy Osh oblysynyń týmasy, 1972 jyly týǵan A. esimdi azamattyń jeke basyn qaraý barysynda odan 30 300 AQSh dollary tabyldy. Atap aıtqanda, 9 200 AQSh dollary sómkesinde tabylsa, 21 100 AQSh dollary eki bólikke bólinip, kedendik baqylaýdan jasyrý maqsatynda jigittiń ústine kıgen kıiminiń etegine jasyrylǵan jerinen tabylǵan.
Osy fakt boıynsha bul azamatqa qatysty QR QK 209-babynyń 1-tarmaǵymen qylmystyq is qozǵaldy, dep habarlady Jambyl oblysy boıynsha KBD baspasóz qyzmeti.