Túrkistan oblysynda keneden juǵatyn Kongo-Qyrym gemorragııalyq qyzbasy sekildi asa qaýipti juqpaly aýrýlardyń aldyn alý boıynsha atqarylatyn is-sharalar qolǵa alyndy. Bıyl 66,8 mln sharshy metr qora men 28,5 mln sharshy metr mal ıiretin jer jáne sýattar, butalar zalalsyzdandyrylyp, 2,5 mln iri qara men 8,4 mln ýaq mal dárilenedi.
Aýyl sharýashylyǵy basqarmasy «Enzootııalyq» aýrýlarǵa qarsy kóktemgi zalalsyzdandyrý jumystaryn 30 naýryzdan bastaıdy. Zııankesterdiń tabıǵı oshaqtarynda sanıtarlyq-epıdemııaǵa qarsy sharalar uıymdastyrylýda. Aýdan, qalalardaǵy veterınar mamandar qajetti qurylǵylarmen, dári-dármektermen, arnaıy kıimdermen tolyq qamtamasyz etilgen.
Aıta ketelik, oblys boıynsha 2018 jyly 3360 adam kene shaǵyp aýrýhanaǵa túsken. Byltyr bul kórsetkish 12 % azaıǵan. Epıdemııalyq aýmaqtarda zalalsyzdandyrý sharalary jyl saıyn kóktem, kúz mezgilderinde ótkiziledi.
Túrkistan oblysy