Bul týraly Bilim jáne ǵylym mınıstri Ashat Aımaǵambetov Ortalyq kommýnıkasııalar qyzmetinde ótken onlaın-brıfıngte habarlady. Buǵan deıin biz muǵalimderdiń telearnalar arqyly sabaq beretinin jazǵanbyz.
Mine, endi keler jyly 100 jyldyǵyn atap ótetin Qazaq radıosy da balalarǵa qashyqtan bilim berý júgin birge eńsermek.
– Sońǵy toqsannyń bilim baǵdarlamasyn qamtý úshin 3 myńnan asa sabaq túsirýge tıispiz. Qazir sol tele-sabaqtardyń 300-den astamy daıyn. Kelesi úlken baǵyt – radıo. Qazaqtyń qara shańyraǵy sanalatyn Qazaq radıosynyń úni baılanysy joq shalǵaı eldi-mekenderge jetip jatqanyn bilemiz. Sondyqtan Qazaq radıosymen júrgizilgen kelissózderdiń nátıjesinde keste boıynsha radıo-sabaq berýdi bastamaqpyz, – dedi A.Aımaǵambetov.