AQSh kúshteri Arabııa teńizinde Abraham Lincoln áýe tasymaldaýshy kemesine jaqyndaǵan ırandyq «Shahed-139» ushqyshsyz ushaǵyn atyp túsirdi, dep habarlaıdy Egemen.kz.
AQSh Qarýly kúshteri Ortalyq qolbasshylyǵynyń ókili, áskerı-teńiz kúshteriniń kapıtany Tım Hokınstiń málimdeýinshe, dron Abraham Lincoln áýe tasymaldashy kemesine qaraı ushqan. Ol F-35C joıǵysh ushaǵy arqyly joıylǵan.
Oqıǵa saldarynan birde-bir amerıkalyq áskerı qyzmetker zardap shekpegeni jáne áskerı tehnıkaǵa zaqym kelmegeni atap ótildi.
Aıta keterligi, bul oqıǵa Vashıngton men Tegeran arasyndaǵy ıadrolyq kelissózderdi uıymdastyrý talpynystary júrip jatqan sátte bolǵan.
AQSh Iranǵa eskertý jasady: Tramptyń ıadrolyq mámilesi oryndala ma?
Buǵan deıin AQSh prezıdenti Donald Tramp aımaqqa amerıkalyq kemelerdiń «armadasy» jiberiletinin málimdegen edi. Ol Irandy ıadrolyq kelisimge kelýge shaqyryp, áıtpese jańa ári qýatty soqqymen qorqytqan.
2025 jyldyń jeltoqsan aıynyń sońynda Iranda ekonomıkalyq qıyndyqtarǵa baılanysty jappaı narazylyq aksııalary bastaldy. Time jýrnalynyń zertteý derekterine sáıkes, tek 8-9 qańtar kúnderi Iranda 30 myńǵa deıin adam qaza tapqan bolýy múmkin. Al el basshylyǵy 3117 adamnyń qaza tapqanyn resmı túrde moıyndaǵan.
Iran tóńiregindegi qaýip munaı baǵasyn qaıta qymbattatty