Oblys ákimdiginde ótken aktıv otyrysynda elimizdiń jańa Konstıtýsııasynyń jobasy talqylandy. О́ńir basshysy Qumar Aqsaqalovtyń tóraǵalyǵymen ótken jıynǵa oblystyq máslıhat, qoǵamdyq keńes tóraǵalary, sala basshylary qatysty.
Alqaly keńeste Ata zań jobasynda kórinis tapqan negizgi erejelerdiń memlekettigimizdi nyǵaıtýǵa, azamattardyń quqyǵy men erkindigin qorǵaýǵa, ekonomıka, bilim, ǵylym, ınnovasııanyń damýyna, sondaı-aq elimizdegi saıası ınstıtýttardy jetildirýge baǵyttalǵany týraly sóz boldy.
О́ńir basshysy konstıtýsııalyq reforma elimizdiń damýyndaǵy jańa tarıhı beles, mańyzdy qadam ekenin atap ótip, alda jańa Konstıtýsııa jobasynyń jón-josyǵyn halyqqa jan-jaqty túsindirý mindeti turǵanyn aıtty.
«Oblys turǵyndarymen Ata zańdaǵy ózgeristerdiń mán-mańyzy týraly áńgimelesip, tarıhı mańyzy bar reformany kópshilikke uǵynyqty etip jetkizýimiz qajet. Árbir turǵyn Konstıtýsııa jobasynda usynylǵan ózgeristerdiń mán-maqsatyna kóz jetkizip, túsingeni mańyzdy», degen óńir basshysy Q.Aqsaqalov osy maqsatta ótetin kezdesýler, oı-pikir almasýlar azamattardyń bárine birdeı uǵynyqty bolǵany jón ekenin aıtty.
Sondaı-aq ol bul iske óńirdiń zııaly qaýym ókilderi, qoǵam belsendileri de atsalysýy qajettigin jetkizdi.
Konstıtýsııalyq reforma jónindegi komıssııa quramynda bolǵan oblystyq máslıhat tóraǵasy Saılaýbek Esjanovtyń aıtýynsha, Ata zań jobasynda «Ádiletti Qazaqstan» tujyrymdamasy, «Zań men tártip» qaǵıdaty sııaqty negizgi baǵdarlar bekitilgen. Osylaısha, jańa joba memleketti ádil basqarý, zań ústemdigin nyǵaıtý jáne qoǵamnyń memlekettik ınstıtýttarǵa degen senimin arttyrýdyń naqty quqtyq tetikterin aıqyndap berip otyr.
Oblystyq qoǵamdyq keńestiń tóraǵasy Serik Bekturǵanovtyń sózinshe, el kóleminde jarty jyldan beri júrip jatqan konstıtýsııalyq reforma aıasynda kún tártibine túrli usynystardy engizý, ony talqylaý, Ata zańnyń mátinin ózgertý tárizdi uly úderisterdiń tikeleı efır arqyly kópshiliktiń kóz aldynda ótkeni bıliktiń halyqqa meılinshe ashyq ekenin kórsetip berip otyr.
«Konstıtýsııalyq reforma úderisine halyqtyń da belsendi atsalysyp jatqanyn baıqap otyrmyz. Árıne, alda áli de talaı usynys aıtylar, Konstıtýsııa jobasy qyzý talqyǵa túsýi múmkin. El ómirindegi eleýli oqıǵa bolǵan soń, ol – durys. Biraq ashyq, syndarly dıalog bolý qajet», dedi qoǵamdyq keńes tóraǵasy.
Jıynda konstıtýsııalyq reformanyń mán-mańyzyna halyqqa qarapaıym tilde jetkizip, túsindire bilý mańyzdy ekeni aıtyldy. Aktıv otyrysynan keıin Ata zań jobasy oblystyq, aýdandyq deńgeıdegi máslıhat depýtattarynyń jınalysynda talqylandy.
Qostanaı oblysy