Almatyda «Qonaev Media» telearnasynyń jańa keńsesi men zamanaýı stýdııasynyń resmı ashylý saltanaty ótti. Is-sharaǵa Almaty oblysynyń ákimi Marat Sultanǵazıev arnaıy qatysyp, telearnanyń jumys barysymen tanysty, dep habarlaıdy Egemen.kz.
Jańa telearna 2025 jyldyń qyrkúıek aıynda kórermenge jol tartyp, qazirgi ýaqytta Almaty oblysynyń barlyq aýdandary men qalalaryn qamtı otyryp, respýblıkalyq deńgeıde habar taratyp otyr.
Saltanatty shara barysynda telearnanyń tehnıkalyq múmkindikteri, jańa stýdııalary men jumystyń atqarylý barysy tanystyryldy. О́ńir basshysy óz sózinde jańa telearnanyń ashylýy oblys úshin mańyzdy ári tarıhı oqıǵa ekenin atap ótti.
«Búgin biz óńirimiz úshin mańyzdy, tarıhı sáttiń kýási bolyp otyrmyz. О́ńirlik jańa telearnanyń ashylýy – tek bir medıa alańnyń iske qosylýy emes, bul – qoǵamdyq sanany qalyptastyrýǵa, ashyq dıalog ornatýǵa jáne óńirdiń damýyn jańa deńgeıge kóterýge baǵyttalǵan mańyzdy qadam. Jańa arnanyń basty ustanymy – shynaıylyq, jaýapkershilik jáne halyq múddesine adal qyzmet bolýy kerek. Aqparattyq saıasatta tepe-teńdik pen kásibılikti saqtaı otyryp, kórermenge paıdaly ári sapaly kontent usynady dep senemin», dedi, oblys ákimi Marat Sultanǵazıev.
Sondaı-aq sıfrlandyrý dáýirinde «Qonaev Media» telearnasy «Digital Sana» jobasy aıasynda jasandy ıntellekt tehnologııalaryn engizip, otandyq medıa keńistigindegi ozyq ári jańashyl arnalardyń qataryna qosylýdy maqsat etip otyr.
Silk Way Star jobasynyń fınaly Qytaı telearnasynda kórsetildi
О́z kezeginde «Qonaev media» telearnasynyń bas dırektory Qymbat Hangeldına telearna tarapynan óńirdiń oń ımıdjin qalyptastyrýǵa baǵyttalǵan sapaly kontentter aldaǵy ýaqytta da jalǵasatynyn aıtty.
«Oblys ákimdigi tarapynan kórsetilip otyrǵan qoldaý úshin alǵys bildiremin. Ujym músheleri óńirdiń damýyna óz úlesterin qosyp ǵana qoımaı, buqaralyq aqparat quraldarynan oblysymyzdyń oń ımıdjin qalyptastyrýdy maqsat etýde. Budan bólek, telearna ujymy sapaly ári zamanaýı televızııalyq ónim ázirleýge baǵyttalǵan uzaq merzimdi jumysty jalǵastyrýǵa nıetti», dedi telearna dırektory.
Kórermenge jol tartqan jańa telearna efırlik, kabeldik, Smart TV jáne onlaın platformalar arqyly habar taratyp, óńir turǵyndaryna sapaly ári qoljetimdi kontent usynýǵa tolyq múmkindikke ıe.
Qazaqstan telearnalary qysqy Olımpıada oıyndaryn tikeleı efırde kórsetedi
Almaty oblysy