Qazaqstan qor bırjasynyń (KASE) málimetinshe, qańtar aıynda «Qazatomónerkásip» ulttyq atom kompanııasynyń aksııalary birden 49,5%-ǵa ósti. Sonymen qatar baǵaly qaǵazdarmen jasalǵan saýda kólemi de eki esege jýyq artqan, dep habarlaıdy Egemen.kz.
Bırja derekterine súıensek, 2025 jyldyń sońynda ulttyq kompanııanyń bir aksııasy 28 059 teńge bolǵan. Al 2026 jyldyń 30 qańtaryndaǵy sońǵy mámile kezinde onyń quny 41 950 teńgege deıin jetti.
Baǵanyń ósýimen qatar, aksııalardyń saýdalaný belsendiligi de kúrt artty. Bir aı ishinde saýda kólemi 92,8%-ǵa ósip, jasalǵan mámilelerdiń jalpy somasy 6,5 mlrd teńgeni qurady. Bul kórsetkish KASE Indeksine kiretin aksııalarmen júrgizilgen jalpy saýda kóleminiń 34,5%-yna teń.
Alibaba men Baidu aksııalary Qazaqstan qor bırjasynda saýdalanady
«Qazatomónerkásip» – álemdegi eń iri ýran óndirýshilerdiń biri. Kompanııanyń bulaısha naryqtaǵy bedeliniń artýyna 2 aqpanda jarııalanǵan esep sebep boldy. Onda kompanııa 2025 jyly ýran óndirisi men satý kóleminiń aldyńǵy jylmen salystyrǵanda aıtarlyqtaı óskenin málimdedi.
Qazir kompanııa saladaǵy eń iri ýran rezervtik bazasyna ıe. Ol enshiles jáne birlesken uıymdarymen birge 14 ýran óndirýshi kásiporynǵa biriktirilgen 27 ken ornyn ıgerip jatyr.