Eńbek dańqy alasarmaıdy

1992 jyly «Naqhan» sharýa qojalyǵyn qurdy. Adaı jyl­qysyn ósirýmen tyńǵylyqty aınalysyp, bıe baılap, qymyz daıyndap, qymyzdy qutyǵa quıý sehyn ashty. Búginde sharýashy­lyǵyndaǵy jylqy basy 400-ge taıap qalǵan. Jumys barysyn­da qarjyǵa, tehnıka, eńbek kúshi­ne qatysty kezdesken qıly qıyn­dyqty eńsere bilgen qaı­sar azamat perzentterimen, kómek­shilerimen birge Saı-О́tes aýyly mańyndaǵy Qaratórtkúl jaılaýynda kásibin dóńgeletip otyr.

«Aıta ketken jón, adaı tuqym­dy jylqy eshqashan qoldan azyq­tanbaıdy. Dala tósinde er­kin jaıy­lyp ósýi sebepti, eti de, súti de qunarly. Jylqy saýý, saý­mal, qy­myz daıyndaý tásil­deri týraly mamandardyń eńbek­terin oqyp, izdene júrip, saýmal, qymyz da­ıyndaýdy qolǵa aldyq. Qymyzdy bótelkelerge quıyp, arnaıy shtrıh kod japsyryp, qala mańyndaǵy birqatar dúken­ge ótkizemiz. Buryn 5–6 myń lıtr­ge deıin óndirsek, qazir qajetti­likke qaraı 2–3 myń lıtr ǵana daıyndap otyrmyz», deıdi M.Qoıshybaev.

Kásipkerdiń kóp jylǵy eren eńbegi eleýsiz qalǵan joq. 2017 jyly III dárejeli «Eńbek dań­qy» ordenimen, sondaı-aq Mem­­leket basshysynyń Alǵys­ha­tymen, Aýyl sharýashy­ly­ǵy mınıstrliginiń «Aýyl sha­rýa­­shy­lyq salasynyń úzdigi» belgi­simen, Mańǵystaý aýdanynyń «Jyldyq úzdik fer­meri» ataǵy­men, birneshe mereke­lik tósbelgi­lermen, oblys, aýdan ákimderiniń alǵyshattarymen marapattaldy. Byltyr jyldyń aıaǵynda osy marapattar júlgesi jalǵasyn taýyp, Astanadan Pre­zıdent Q.Toqaevtyń qolynan II dárejeli «Eńbek dańqy» ordenin keýdesine taǵyp oraldy.

Otbasynda alty qyz, bir ul ósirip, olardan nemere, jıen súıip otyrǵan ardaqty áke, atpal azamat­tyń sharýashylyǵyn odan ári órkendetýden basqa maqsaty joq.

«Eńbegimdi elep, ár kez marapattan tys qaldyrmaı, oblystyq, respýblıkalyq deńgeıdegi mem­le­kettik, merekelik túrli syı-sııa­patpen atap ótip jatatyn is basyndaǵy azamattarǵa alǵy­sym sheksiz. Eńbekti, kásipti mara­patqa bola jasamaısyń, áıtse de eńbektiń elengeni qanattan­dyrady», deıdi ol.

Mańǵystaý oblysy