Búgin, 4 aqpanda aýa raıynyń qolaısyzdyǵyna baılanysty Qostanaı jáne Mańǵystaý oblystaryndaǵy tasjoldarda kólik qozǵalysyna shekteý engizildi, dep habarlaıdy Egemen.kz.
«QazAvtoJol» ulttyq kompanııasynyń málimetinshe, joldardaǵy ahýal kelesideı:
Qostanaı oblysynda
Saǵat 14:00-den bastap «Qostanaı – Áýlıekól – Surǵan» avtojolynyń 8-108 shaqyrymy aralyǵynda (Tobyl qalasynan Áýlıekól aýylyna deıin) qozǵalys shekteldi. Shekteý júk kólikteri men qoǵamdyq kólik túrlerine qatysty.
Mańǵystaý oblysynda
Saǵat 14:30-da aýa raıynyń nasharlaýyna baılanysty «Taýshyq – Shetpe» avtojolynyń 0-70 shaqyrym aralyǵynda barlyq kólik túrleri úshin qozǵalys toqtatyldy.
Qosymsha aqparat alý úshin 1403 baılanys ortalyǵyna táýlik boıy habarlasýǵa bolady.
Eske sala keteıik, búgin respýblıkalyq mańyzy bar avtojoldardyń birneshe ýchaskesinde aýa raıy kúrt nasharlaıdy.