Elordada bir jarym myńǵa jýyq medısına qyzmetkeri koronavırýspen kúresip jatyr. Memleket basshysy Qasym-Jomart Toqaevtyń tapsyrmasyna sáıkes medısına qyzmetkerlerine syıaqy berildi.
Qalalyq ákimdiktiń habarlaýynsha, Elbasynyń tapsyrmasyna sáıkes "Biz birgemiz" qorynan koronavırýspen aýyrǵan pasıenttermen tikeleı baılanysta jumys istep jatqan medısına qyzmetkerlerine qosymsha qarajat bólingen. Sondaı-aq ákimdik koronavırýspen kúresip jatqan medısına qyzmetkerlerine qonaq úıler men kólik bólip, tamaq uıymdastyrdy. Emhanalar men aýrýhanalarda jumys isteıtin dárigerlerge CTS kompanııasy kólik shyǵardy.
Tólemder koronavırýsty juqtyrý qaýpi bar úsh top boıynsha úsh aı boıy beriledi. Atap aıtqanda, «Qaýiptiligi asa joǵary» — reanımasııa bólimshelerin qosa alǵanda, ınfeksııalyq stasıonarlardyń dárigerleri, orta jáne kishi medısına qyzmetkerlerine 850 myń teńge, «Qaýiptiligi joǵary» – provızorlyq stasıonarlar men jedel járdem dárigerleri, orta jáne kishi medısına qyzmetkerlerine 425 myń teńge berilse, «Qaýiptiligi ortasha» – karantındik stasıonarlardaǵy dárigerler, orta jáne kishi medısına qyzmetkerleri, sanıtarlyq dárigerlerge (memlekettik qyzmetkerler), jedel járdem júrgizýshilerine 212,5 myń teńge tólenetin bolady.