Atyrýda 9 qabatty 2 úıdiń karantındik stasıonarǵa beriletini belgili boldy.
Bul týraly málim etken Atyraý qalasy ákiminiń orynbasary Rınat Jańǵylyshovtyń aıtýynsha, Bereke shaǵyn aýdanynda 240 páterli kópqabatty 10 úıdiń qurylysy júrgizilip jatyr. Munda 3 úı paıdalanýǵa berildi. Eki úıdiń de bir qabatyna apatty jaǵdaıdaǵy baspana turǵyndary ornalasqan.
«Taǵy 2 úı daıyn tur. Biraq, aımaqta koronavırýs ınfeksııasynyń taralýyna baılanysty bul úılerdi oqshaýlaý orny retinde paıdalanýǵa sheshim qabyldandy. Bul úılerdiń árqaısysynda 240 páter bar. Iаǵnı, 2 úıde 480 oryn bar» dedi Atyraý qalasy ákiminiń orynbasary Rınat Jańǵylyshov.
Qazir eki úıdi polısııa qyzmetkerleri oqshaýlady. Endi munda dezınfeksııa sharasy júrgizilmek. Keıin munda dezınfeksııany 3 kún saıyn júrgizedi.
«Munda indet juqtyrǵandarmen baılanys jasaǵan adamdar ýaqytsha ornalasady. Bul turǵyndarǵa qaýip týǵyzbaıdy» dedi Rınat Jańǵylyshov.
Jumasat ǴAZIZ