Halyqaralyq velosıpedshiler odaǵy (UCI) 2020 jylǵy jarystar tizbegin 1 maýsymǵa deıin toqtatty. Bul týraly uıymnyń resmı saıty habarlady dep jazady Olympic.kz.
Atalǵan sheshim velosporttyń barlyq túrlerine jáne barlyq sanattaǵy sportshylarǵa qatysty. Aıta ketelik, UCI koronavırýs indetine baılanysty 3 sáýirge deıingi týrnırlerdi toqtatqan bolatyn.
Sonymen qatar jańa maýsymdaǵy velojarystar kestesine aıtarlyqtaı ózgeris engiziledi. Uıym eki Grand-týr men klassıkalyq jarystardy ótkizýge múddeli.
Buǵan deıin Halyqaralyq velosıpedshiler odaǵy mamyr aıynda Italııada ótetin dástúrli «Djıro d'Italııa» kópkúndigi koronavırýs saldarynan belgisiz merzimge keıinge qaldyrǵan edi.
2020 jyldyń 11 naýryzynda Dúnıejúzilik densaýlyq saqtaý uıymy koronavırýsty pandemııa dep jarııalady. Osyǵan oraı, álem elderi karantınge jabylyp, sporttyq jarystar toqtatyldy.