Taıland pen Malaızııanyń aýyr atletteri kelesi jyly Tokıoda alaýy tutanatyn Olımpıadaǵa qatyspaıtyn boldy. Dopıngke qarsy kúrestegi erejelerdi buzǵandary úshin olarǵa osyndaı qatań shara qoldanylyp otyr.
Taılandttyń aýyr atletteri óte myqty ekenin jankúıerler jaqsy biledi. О́tkenge zer salsaq, bul elden kóptegen beldi ziltemirshilerdiń shyqqanyn ańǵarý qıyn emes. Máselen, Olımpııa oıyndarynda olar 3 altyn, 10 kúmis jáne 15 qola medaldi ıelendi. Osy nátıjemen Taı eliniń túlekteri álemdegi barlyq komandalar arasynda 28 oryndy ıelenýde.
Al Malaızııada sporttyń bul túriniń damý deńgeıi kóńil kónshiterlik emes. Osy kúnge deıin Malaı eliniń ókilderi Olımpııa oıyndary tarıhynda bir-bir ret jeńis tuǵyryna kóterilgen emes.
Halyqaralyq uıym tarapynan qoldanylǵan sharaǵa saı Malaızııa sportshylary kelesi jyldyń 1 sáýirinen bastap, halyqaralyq dodalarǵa qatysa alady. Biraq olar Tokıo Olımpıadasynda kúsh synasý quqyǵynan aıyrylyp otyr. Al Taıland ziltemirshileri tek 2013 jyldyń 1 sáýirinde ǵana qatarǵa qosylady. Sonymen qatar, aıtýly memleketterdiń ulttyq fkderasııalary mól kólemde aıyppul tóleýge tıis.