Ońtústik Koreıa men Londonnyń «Tottenhem» klýbynyń jartylaı qorǵaýshysy Son Hyn Mın óz elinde áskerı boryshyn óteıdi. Bul týraly klýbtyń resmı saıty málimdedi.
Klýb baspasóz qyzmetiniń habarlaýynsha, Son Hyn Mın 20 sáýirden bastap Chedjý aralyndaǵy áskerı teńiz kúshterinde úsh aptalyq daıyndyqtan ótedi. Ol naýryz aıynyń sońynda Anglııadan óz eline oralyp, búginde koronavırýs pandemııasyna baılanysty 14 kúndik karantınde jatyr.
Ońtústik Koreıadaǵy mindetti qyzmetin ótep bolǵan soń ol mamyr aıynda Londonǵa oralady. Aıta keteıik, Son Hyn Mın 16 aqpanda «Aston Vıllaǵa» (3:2) qarsy ótken oıynda qolyn syndyryp alǵan-dy. Sol ýaqyttan beri ol jaraqatyn emdep júrgen bolatyn.