Samsung Display kompanııasy tórt jaǵynyń tórt qyry da doǵaldanǵan ramkasyz dıspleıge patent aldy. Dıspleıdiń buryshtary metall bolyp qala beredi. Galaxy lıneıkasynda shyǵatyn smartfondar osyndaı ekranmen jabdyqtalatyn bolady.
LetsGoDigital portaly apparattyń patenttik qujattamasy negizinde jasalǵan sapaly renderlerin jarııalady. Sýretterden dıspleıdiń tek eki jaǵy ǵana emes astyńǵy jáne ústińgi jaqtary doǵaldanǵany kórinedi.
Selfı túsiretin frontal kamera qaıda ketedi desek, ınsaıderler pikirinshe ol dıspleı astyna jasyrylýy múmkin. Sonymen qatar saýsaq izimen ashý qyzmetin atqaratyn daktıloskopııalyq skaner de osyndaı prısıppen ornalastyrylady.
Ázirge qurylǵy patent túrinde ǵana belgili bolyp otyr. Onyń naryqqa shyǵýy qashan ekendigi belgisiz.