Atyraýda kolledj stýdentin fızıkalyq turǵyda jazalaǵan ustaz tártiptik jaýapkershilikke tartyldy, dep habarlaıdy Egemen.kz.
Atyrau.Today Telegram-arnasynyń jazýynsha, 30 qańtarda Atyraýdaǵy Energetıka jáne qurylys kolledjinde oqıtyn 16 jastaǵy stýdent aǵylshyn tiliniń sabaǵyna 6 mınýtqa keshigip kelgen. Sol úshin muǵalim ony 100 ret jerden kóterilý jattyǵýyn (otjımanıe) jasaýǵa mindettegen. Ol tek 70 ret jasaı alǵan.
Sabaqtan keıin úıinde stýdenttiń jaǵdaıy nasharlap, jedel járdemmen aýrýhanaǵa jetkizilgen. Qan qysymy 150/80-ge túsip, júrek pen qysym monıtorıngi 72 saǵatqa qosylǵan.
Balanyń anasy polısııaǵa aryz jazyp, densaýlyǵyna zııan keltirý boıynsha qylmystyq is qozǵaýdy surady. Bul shaǵym Atyraý oblysy bilim basqarmasynyń basshysy Marat Abýovqa da jetti. Jasóspirimniń aıtýynsha, keshigý úshin jattyǵýdy aǵylshyn tili sabaǵynda basqa stýdentter de jasaǵan.
Jeke derekterdi taratqandar qylmystyq jaýapkershilikke tartylýy múmkin
Osy jaǵdaıǵa baılanysty áleýmettik jelilerde pikir ekige bólindi.
Biri: «Bul durys tárbıe, er adamdardy osylaı tárbıeleıdi» dese, ekinshileri: «Kolledj − kámeletke tolmaǵandardy fızıkalyq jazalaý orny emes», degen pikir qaldyrǵan.
Bilim basqarmasy muǵalimdi kásibı etıka buzǵany úshin tártiptik jaýapkershilikke tartty. Kolledj ákimshiligi jaǵdaıdy beıbit jolmen sheshýdi usynǵan, biraq stýdenttiń zańdy ókili quqyqtyq joldy tańdady.
Astanada 500 avtobýs júrgizýshisi jaýapkershilikke tartyldy