7 sáýirdegi qarly borannan keıin Qostanaı qalasynyń soltústik batys aýdanynda 4 kósheni sý basyp qaldy.
Munda borandy kúni 1 táýlik ishinde bir aılyq qar túsip, ertesinde-aq jyldam erı bastady. Artynsha aýlalardy sý alyp, kólik túgili, jaıaý adamnyń júrýi qıyndap ketti. El ekinshi Qostanaı dep ataıtyn bul shaǵyn aýdandaǵy birneshe kósheniń turǵyndary tizege deıin balshyq keship, úıiniń ishinde, edeniniń astynda kilkigen sýdy sorǵyta almaı álek. Turǵyndar erigen qardyń sýyna tereńnen kóterilgen jerasty sýynyń qosylyp jatqanyn aıtady. О́ıtkeni úı astyndaǵy búgin sorǵytqan sý ertesi kúni qaıta kólkip shyǵa keletin kórinedi.
Kommýnaldyq qyzmet Engels, Belınskıı, Spartak, Týrgenev kóshelerinde birneshe kúnnen beri tynymsyz jumys istep jatyr. Alaıda kósheni qurǵatqanymen, úı astyn sorǵytyp úlgere alar emes.
Vıdeony túsirgen jáne montajdaǵan avtor.
Qostanaı oblysy