Memleket basshysynyń «Áskerı mindettilerdi arnaýly jıyndarǵa shaqyrý týraly» Jarlyǵyna saı, Qaraǵandy oblysynda eriktilerdiń tizimi jasaldy. Osyǵan oraı Otan aldyndaǵy paryzyn óteýge 95 adam nıet bildirip, arnaýly jıynnyń talabyn qabyl aldy.
Aıta ketetin bir jaıt, rezervshiler tek kenshiler astanasy boıynsha ǵana tańdaldy. Qaraǵandy oblysynyń jumyldyrý daıyndyǵy jónindegi basqarma basshysy Jomart Jylqybaev óńirdiń basqa qalalary men aýdandarynda arnaýly jıyndar ótkizýdiń ázirge josparda joq ekenin aıtady.
Sondaı-aq basqarma basshysynyń áskerge shaqyrylýshylardyń bir aı boıy qala aýmaǵyn sanıtarlyq óńdeý úshin qosymsha kúsh retinde jumyldyrylatynyn atap ótti. Olardy mamandar aldyn ala oqytady eken.
– Áskerı mindettilerdiń barlyǵy kıim-keshekpen, qorǵanysh kostıýmderimen jáne quraldarmen qamtamasyz etiledi. Kúnine úsh ret tamaqtanady. Memleket esebinen arnaýly jıynǵa qatysýshylarǵa eńbekaqy tólenedi. Olardyń ishindegi buryn jumys istemegenderi 42 500 teńgeden alady. Al jumys isteıtin áskerı mindettiler burynǵy eńbekaqysyn joǵaltpaıdy. Jumys ornynan anyqtama boıynsha olarǵa ortasha aılyq eńbekaqy tólenedi. Jıyn barysynda jumys orny men atqaratyn qyzmeti saqtalady, – deıdi Jomart Jylqybaev.
Qaraǵandy oblysy