Elimizdegi tótenshe jaǵdaıǵa baılanysty onlaın rejımde jumys jasaý jolǵa qoıyldy. Sabaq ótkizý, semınarlar, konferensııalar, baıqaýlar, otyrystar onlaın túrinde qalypty ótýde. Tótenshe jaǵdaı talaptaryn qatań oryndap, árqaısymyz soǵan múltiksiz baǵynsaq, bul ýaqytsha qıyndyqtardy jeńip shyǵatynymyzǵa senimdimiz dep habarlaıdy Yessenov University baspasóz qyzmeti.
- Onlaın sabaqtar ótkizý men jumys jasaýdyń bir baǵyty – stýdentter arasynda onlaın baıqaýlar ótkizý. 10 sáýir kúni Yessenov University stýdentteri, kolledj stýdentteriniń arasynda onlaın rejımde «Social Project» áleýmettik jobalar baıqaýy ótti. О́tkizilgen baıqaý Elbasynyń «Bolashaqqa baǵdar: Rýhanı jańǵyrý» maqalasyn iske asyrýdyń baǵyttarynyń biri elimizdegi árbir adamnyń, ásirese jastardyń zamanaýı básekege qabiletti bolýyna, sandyq tehnologııalardy ıgere bilýine yqpal etýge, sonymen qatar kásipkershilikti jan-jaqty damytýǵa, jastar arasynda keńinen nasıhattaýǵa baǵyttalǵan. Baıqaý sarapshylary retinde Astana qalasynan Jastar qyzmetkerleri qaýymdastyǵy tóraǵasy, Jastar isi jónindegi ulttyq trenerler pýlynyń treneri Naýryzbaev Nurlybaı, Mańǵystaý oblysy Jastar resýrstyq ortalyǵy dırektorynyń orynbasary Ýralbaev Muqash, ýnıversıtettiń Tárbıe jáne áleýmettik jumys jónindegi prorektory Gýlımaı Amanııazova, «Kaspıı kásipkerlik ortalyǵynyń» mamany Gúljazıra Qosmaǵambetova qatysty, - deıdi «Bıznes jáne quqyq» fakýltetiniń dekany Gúlsara Djoldasbaeva.
Fakýltet dekanynyń aıtýynsha, jalpy baıqaýǵa qatysýǵa 67 adam tirkelip, 13 joba aldyn-ala saraptalynyp alynǵan. Baıqaý aldynda Jastar qyzmetkerleri qaýymdastyǵy tóraǵasy, Jastar isi jónindegi ulttyq trenerler pýlynyń treneri Naýryzbaev Nurlybaı «Social Project» jobasy týraly motıvasııalyq trenıng ótkizse, Mańǵystaý oblysy Jastar resýrstyq ortalyǵy dırektorynyń orynbasary Ýralbaev Muqash Mańǵystaý oblysyndaǵy Volonterlyq qyzmettiń jumysy týraly aqparat berdi.
Baıqaý barysynda Talking Book, «Megapolıstegi qoqystan tazartý júıesin jaqsartý», «Taktılnaıa dorojkı dlıa nezrıachıh», «Týrıstik-ólketaný ortalyǵy arqyly stýdentterdi patrıotızmge tárbıeleý», volonterlyqty damytýǵa jáne jyljytýǵa arnalǵan «Happy travels», qazirgi naryqta suranysqa ıe jylyjaı qurý úlgisi «Taza ǵalamshar», «Qum terapııasy», «Eko-úı taza ekologııa kepili», «Fried ice-cream», «Vozdýshnaıa zebra», «Plastıkalyq bótelkelerdi qaıta óńdeý jáne óndirý» taqyryptaryndaǵy qyzyqty, qorshaǵan ortany, ekologııany saqtaýǵa, múgedek jáne qart adamdarǵa jaǵdaı jasaýǵa, qaldyqtardy qaıta óńdeýge arnalǵan áleýmettik mańyzdy jobalar talqylandy.
Baıqaý qorytyndysy boıynsha Alchagır Alfııanyń «Grajdanskaıa ınısıatıva na sele», Nysanbaı Aqbıbiniń «Qum terapııasy», Qabdol Nurdaýlettiń «Vozdýshnaıa zebra» jobalary úzdik dep tanyldy.
Mańǵystaý oblysy