Memlekettik komıssııa sheshimimen 20 sáýirden bastap Nur-Sultan jáne Almaty qalalaryndaǵy birqatar ekonomıka sektorlarynyń jumysy qalpyna keltiriledi. Olardyń naqty tizimi 15 sáýirde belgili bolady. Jumysyn jalǵastyrýy múmkin sektorlar týraly Aqparat jáne qoǵamdyq damý mınıstri Dáýren Abaev habarlady.
«Almaty qalasy boıynsha sáýirdiń úshinshi dekadasynda ónerkásiptiń barlyq salalary, qoımalar, qurylys, ekinshi deńgeıdegi bank qyzmetkerleriniń 50%-na deıin, qyzmet kórsetý salasynyń keıbir sektorlary tolyq jumys kúni rejımine kóshedi. Nátıjesinde, Almaty qalasynda 128 myń adam jumysyn jalǵastyrady. Barlyq shekteý talaptarynyń saqtalatynyn eske salamyz», - dedi mınıstr.
Budan buryn habarlaǵandaı, Dáýren Abaev Nur-Sultan men Almaty qalalarynda aýrý juǵý qaýpi eń az degen kásiporyndar iske qosylatynyn aıtty.