Prezıdenttiń kadrlyq rezervi: sony serpin

Qabiletti jastardy qoldaýǵa, ba­ǵyt berýge baǵyttalǵan bul joba­ǵa qatysýǵa bas-aıaǵy 13 myńǵa jýyq azamat ótinish bildirdi. 330 qa­ty­sý­shy top jaryp, fınalda baq synasty. Rezervke engenderdiń orta jasy – 31.

Rezervshiler tizimine jeke sek­tor­dyń 106 ókili, kvazı­mem­le­ket­tik sektordyń 98 qyzmetkeri jáne 96 mem­lekettik qyzmetker engeni buǵan deıin de habarlanǵan edi. Budan eli­miz­degi ilkimdi jobaǵa mem­le­ket­tik qyzmetshilerden bólek, bız­nes­te de úlken tájirıbesi bar kásip­ker­lerdiń qyzyǵýshylyq tanyt­qa­nyn baıqaı alamyz.

Sonymen qatar konkýrsta Almaty, Nur-Sultan qalalarymen qa­tar Qaraǵandy, Shyǵys Qazaqstan oblys­tarynyń jastary da erekshe belsendilik tanytqan. Bul mem­le­­ket­tik qyzmetke basqa aımaq­ta­ǵy jastardyń da talasy bary­nyń kórinisi. Sondaı-aq shetel asyp, bilim qýǵan jas mamandar Ázerbaıjan, Ulybrıtanııa, Ger­manııa, Reseı, Túrkııa jáne Fran­sııa­dan ótinish bildirgen.

Kadrlyq rezervtiń memlekettik basqarý salasyna tyń serpin bergeni anyq. Bul týraly Prezıdenttik jastar kadr rezervi múshesi, BTS Education kompanııasynyń konsýltanty Oljas Sákenov «Kadrlyq rezervke engen jastardyń 30 paıyzǵa jýyǵy jeke sektorda, halyqaralyq kompanııalarda jumys istegen tá­ji­rı­beli mamandar. Alda-jalda mem­lekettik qyzmetke kelip jatsa, bul olardyń sol saladaǵy tá­ji­rı­besi men biliktiligin mem­le­ket­tik bas­qarý isinde de qoldanyp, erekshe ıdeıalardy iske asyratynyn bil­diredi. Osylaısha olar eli­miz­diń erteńi úshin qyzmet etip, hal­qy­­myzdyń bolashaǵy jolynda ter tók­pek.

Al jastarǵa kelsek, baǵ­dar­la­ma­nyń olarǵa da paıdasy kóp. О́ıtkeni jo­ǵaryda aıtqanymdaı, jeke ıdeıalarymyzdy usynyp, tájirı­be­miz­ben bólisýge múmkindik, úlken asý­lar­­dy baǵyndyrýǵa joldama aldyq. Bul bastamany «áleýmettik lıft» desek te bolady», dedi.

Memleket basshysy jastarǵa qarata: «Búgingi jas býynnyń bı­lik­ke keletin ýaqyty alys emes. Sizder memleketti basqarý tizginin alý­ǵa daıyn bolyp, tıisti bilim men bilikti meńgerýlerińiz qajet. Jas­tarymyz el damýynyń jańa tarı­hı kezeńine daıyn bolýy kerek. Bilim men bilik órshildikten bıik turýy tıis. Jańarý úderisi – ishki saıasattaǵy basym baǵyttardyń biri. Kadr rezervin jasaqtaý jumystary munymen toqtap qalmaıdy, jalǵasa beredi. Onyń qataryna yntaly jáne laıyqty jastar kiredi. Alda­ǵy kezeńde HHI ǵasyrdyń ta­bysty memleketin qurýǵa daıyn kásipkerlerdiń, ǵalymdardyń, máde­nıet qaıratkerleriniń, ınno­va­torlardyń jáne basqa da talant­ty jastardyń jańa býynyna belsendi qoldaý kórsetemiz. Túrli salaǵa jaýapkershilikti alýdan, qalyptan tys jáne tıimdi sheshimder qabyl­daýdan qoryqpaıtyn jańa forma­sııa­daǵy basqarýshylar toby qa­jet», dep aıtqanyndaı, jańa for­ma­sııadaǵy basqarýshylar toby kóp uzamaı qyzmetterine kiristi. Atap aıtar bolsa, Sáken Shaıahmetov Pavlodar oblysy ákiminiń orynba­sa­ry, Dastan Ryspekov Mádenıet jáne sport mınıstrligi Týrızm ındýstrııasy komıtetiniń tóraǵasy, Sábıt Muqanov Memlekettik qyzmet ister agenttigi Batys Qazaqstan oblysy boıynsha departamentiniń basshysy, Ábilqaıyr Tamabek Jambyl oblystyq Jer paıdalaný jáne qorǵalýyn baqylaý basqarmasynyń basshysy – bas memlekettik ınspektor qyzmetine taǵaıyndaldy.

Al Samat Ramazanov «Túrkistan oblysynyń jer qatynastary bas­qar­masy» MM-niń basshysy qyz­metin atqarýda. Buǵan qosa Nur-Sultan qalalyq ákimdigi kadrlyq re­zer­vtegi 7 jasty jumysqa qabyl­da­dy. Memlekettik qyzmet isteri agenttiginiń aqparatyna súıensek, bıyl rezervtegilerdiń kem degende 40%-y jumysqa ornalasady.

Júzden júırik, myńnan tul­par shyqqan, iriktelgen jas maman­dar­dyń búginde 36,5%-y ınfra­qu­rylym men servıstik salalardy damytý, ónerkásip, aýyl sharýashylyǵy jáne qorshaǵan orta­ny qorǵaý salasynda, 21,5%-y eko­nomıkalyq jáne qarjylyq, 7%-y syrtqy jáne ishki saıasat, 5%-y áleýmettik, 4%-y quqyqtyq saıasat salasynda, sondaı-aq 12%-y óńirlik jáne 14%-y basqarý toptarynda qarastyrylǵan qyz­met­terdi tańdaǵan. Iаǵnı, bilimi men tájirıbesine baılanysty baǵyt­tary eskerilgen. Bul turǵyda ǵy­lym men bilim salasy da nazardan tys qalmaǵan.

Ál-Farabı atyndaǵy QazUÝ Bıo­­medısına ǵylymı-zertteý orta­ly­­ǵynyń dırektory qyzmetine ta­ǵaıyn­dalǵan Álibek Ydyrysuly joba «Halyq únine qulaq asatyn mem­leket» tujyrymdamasyna ne­giz­­­deledi degen oıymen bó­lis­ti. «Bul qu­zy­rettilikter rezerv­shi­ler­diń ha­­lyqpen etene jumys isteý, so­ny­­men birge elimizdiń áleý­met­tik-ekonomıkalyq máselelerdi sheshý qabiletine saı jasalǵan. Bul jobanyń úlken artyqshylyǵy eli­mizdegi kadr tańdaýdaǵy eski úr­dis­ten ada bolýy. Men Ál-Fa­ra­bı atyndaǵy QazUÝ janynan qu­rylyp jatqan qazirgi ǵalam­dyq ǵylymnyń damýyndaǵy eń mańyzdy salanyń biri bıomedısına salasyn elimizde damytýǵa ba­ǵyt­talǵan Bıomedısına ǵylymı-zert­teý ortalyǵynyń dırektory qyzmetine taǵaıyndaldym. 1997 jyly sol kezdegi el aǵalarynyń eńbegimen «Ha­lyqtyń kóshi-qony týraly» zańy qa­byl­danyp, shetelden qaıtqan mıllıonnan astam qazaqtyń qatarynda meniń de atalarym bar edi. Búginde el ıgiligine qyzmet etýge joldama alyp otyrmyn. Táýelsiz Otanyma Abaı atamyz aıtqandaı «bir kirpish bolyp qalaný» men úshin úlken jetistik», deıdi Á.Ydyrysuly.

Prezıdent Qasym-Jomart To­qa­ev «Egemen Qazaqstan» gazetine ber­­gen suhbatynda «Jastardyń la­ıyq­ty bilim alýyna, alańsyz jumys iste­ýine teńdeı múmkindik berilýi qajet. Aýyl men qaladaǵy jas azamat úshin de, laýazymdy, aýqatty neme­se qarapaıym sharýa otbasynyń ba­lasy úshin de áleýmettik lıfttiń esigi kedergisiz ashyq bolýy kerek. Aı­na­lyp kelgen­de, áleýmettik teń­dik degenimiz – osy. Biz osyǵan qol jet­kizýge tıis­piz. Memlekettik qyz­metke taǵa­ıyndaý barysynda me­rı­tok­ra­tııa prınsıpin ustanǵan jón. Aza­mattardy tek bilimine, qabi­­le­tine qaraı taǵaıyndaý talaby qaǵaz betinde qalmaı, is jú­zinde oryndalýy qajet», dep aıt­qan edi. Respýblıkamyzdyń ár aı­maǵyndaǵy jastarǵa el saıasatyna aralasýǵa jol ashyp, tyń ıdeıa­laryn memlekettik qyzmet sala­syn jaq­sartýǵa qoldanýǵa múm­kin­dik bergen Prezıdenttiń jastar kadr­lyq rezervi tańdalǵan 300 jas­pen qa­tar halyqtyń da jarqyn bo­la­shaqqa senimin arttyryp, úmit otyn jaqqandaı. Eldiń erteńgi tizginin ustaý osyndaı jalyndy jastardyń qatarynan shyǵady emes pe!