Qazir bizdiń jumysymyz qaýyrt qana emes, qaýip pen qaterge de toly bolyp tur. Ásirese sońǵy kúnder Eńbekshiqazaq aýdanynyń ortalyq aýrýhanasynyń qyzmetkerlerin uıqydan aıyrdy. Aýdanda koronavırýs ınfeksııasyn juqtyrǵandar sany kúrt kóbeıdi. Jalpy oblysta 21 adam bolsa, biz qazir 11 naýqastyń ómiri úshin kúresip jatyrmyz.
Árıne dárigerler men medısına qyzmetkerlerine jumysyna qaraı ústemeaqy tóleý týraly Prezıdenttiń tapsyrmasy bizdi jigerlendirdi. Alǵys aıtamyz. Qazir «Qaýiptiligi asa joǵary» sanatyna jatatyn reanımasııa bólimsheleri men ınfeksııalyq stasıonarlarda jumys isteıtin dárigerler men orta jáne kishi medısına qyzmetkerleriniń eńbekaqysyna 20 ese ústemeaqy tólenedi. Iаǵnı, medısına qyzmetkeriniń aılyq tabysy 850 myń teńgege deıin jetedi. Al «Qaýiptiligi joǵary» sanatqa kiretin provızorlyq stasıonarlar men jedel járdem dárigerlerine, orta jáne kishi medısına qyzmetkerlerine tólenetin ústemeaqy 10 ortasha aılyq tabys kóleminde belgilenip, olarǵa beriletin eńbekaqy 425 myń teńge shamasynda bolmaq. Sondaı-aq «Qaýiptiligi ortasha» sanattaǵy karantındik stasıonar dárigerleri men orta, kishi medısına qyzmetkerleri, sanıtar-dárigerler, memlekettik qyzmetshiler men jedel járdem kóliginiń júrgizýshilerine de 5 ese ústeme tólenip, aılyq tabystary 212,5 myń teńgeni quramaq.
Mahambet ABDÝLLAEV,
Almaty oblysy Eńbekshiqazaq aýdandyq aýrýhanasynyń ınfeksıonıst-dárigeri