Qytaı eliniń basshysy Sı Szınpınniń Qazaqstanǵa alǵashqy memlekettik sapary ózara yntymaqtastyqty jańa tarıhı beleske kóteretin orasan mándi oqıǵaǵa aınaldy.
Keshe Aqordada Elbasy Nursultan Nazarbaev Qazaqstanǵa memlekettik saparmen kelgen Qytaı Halyq Respýblıkasynyń Tóraǵasy Sı Szınpınmen kezdesti.
Qytaı eliniń basshysy Sı Szınpınniń Qazaqstanǵa alǵashqy memlekettik sapary ózara yntymaqtastyqty jańa tarıhı beleske kóteretin orasan mándi oqıǵaǵa aınaldy.
Keshe Aqordada Elbasy Nursultan Nazarbaev Qazaqstanǵa memlekettik saparmen kelgen Qytaı Halyq Respýblıkasynyń Tóraǵasy Sı Szınpınmen kezdesti.
Búgingi kúni Shyǵystaǵy alyp kórshimizben aradaǵy ekijaqty da, kópjaqty da, halyqaralyq uıymdar sheńberindegi de qarym-qatynastar ózara túsinistik, múddelestik jáne qurmet pen syılastyq negizinde damyp, tereńdep keledi.
Qytaı eliniń basshysy keshe Astanadaǵy baǵdarlamany «Otan-Ana» monýmentine gúl shoǵyn qoıyp, taǵzym etýden bastady. Memleket basshylary Nursultan Nazarbaev pen Sı Szınpın Aqordada resmı qarsy alý rásimi aıaqtalǵan soń shaǵyn quramda kezdesti. Bul kezdesý eki saǵatqa jýyq sozyldy. Aqordada ótken kelissózder barysynda Nursultan Nazarbaev pen Sı Szınpın eki eldiń arasyndaǵy jan-jaqty strategııalyq seriktestikti odan ári tereńdetý perspektıvalaryn qarastyrdy.
Atap aıtqanda, saýda-ekonomıkalyq, ınvestısııalyq, agroónerkásiptik, shekaralyq, mádenı-gýmanıtarlyq yntymaqtastyqty jandandyrý máseleleri, sondaı-aq halyqaralyq kún tártibi men óńirlik qaýipsizdiktiń ózekti máseleleri talqylandy.
Qazaqstan Prezıdenti shaǵyn quramdaǵy kezdesý barysynda Sı Szınpınniń tarıhı saparyna zor mán berilip otyrǵanyn atap ótti. Odan ári kezdesý eki jaqtyń resmı delegasııasy músheleriniń qatysýymen keńeıtilgen quramda jalǵasty. Onda ekijaqty yntymaqtastyqty saýda-ekonomıkalyq, ınvestısııalyq, agroónerkásiptik, shekaralyq, mádenı-gýmanıtarlyq salalarda jandandyra túsý máseleleri qarastyryldy. Sondaı-aq, halyqaralyq jáne óńirlik qaýipsizdiktiń ózekti máseleleri talqylandy.
Keńeıtilgen quramdaǵy kezdesýdi ashqan Elbasy Nursultan Nazarbaev QHR Tóraǵasy Sı Szınpın saparynyń mańyzy zor ekenin atap ótti. Qazaqstanǵa kelgen saparyńyzǵa qutty bolsyn aıta otyryp, men Sizdiń alǵashqy memlekettik saparyńyz eki eldiń arasyndaǵy yntymaqtastyqty jan-jaqty strategııalyq seriktestik deńgeıine kóteredi dep senemin, dedi Nursultan Nazarbaev. Odan ári Elbasy shaǵyn quramdaǵy kezdesýdiń qorytyndylaryna toqtalyp, onda ashyq jáne senimdi pikir alysý bolǵanyna rızashylyǵyn bildirdi.
Osydan keıin Prezıdent Sı Szınpındi QHR-diń aldaǵy bolatyn memlekettik merekesimen quttyqtady. Men Sizdi alda kele jatqan Qytaı Halyq Respýblıkasynyń qurylǵan kúnimen quttyqtaımyn. Táýelsizdigimizdiń alǵashqy kúninen bastap Qytaımen aramyzda damyp kele jatqan tatý kórshilik qarym-qatynasymyz ben seriktestigimiz biz úshin basym baǵyt bolyp tabylady. Sizben júrgizgen kelissózderimiz elderimizdiń dostyǵyn, halyqtarymyz arasyndaǵy yntymaqtastyq pen senimdi múlde jańa bıikke kóteretinine senimdimin, dedi Qazaqstan basshysy.
Sı Szınpın Nursultan Nazarbaevqa Qazaqstanǵa kelip qaıtýǵa shaqyrǵany úshin alǵysyn aıtty. Men bul sapardy kópten armandaǵan edim, búgin sol armanym oryndaldy deýge bolady. Áýejaıǵa ózińiz kelip qarsy alǵanyńyzdy maqtan etemin. Osy oraıda, jyly qabyldaýyńyz úshin Sizge rızashylyǵymdy bildirgim keledi. Sizdiń kórikti qalańyzdy keshe birge aralap kórdik. Ulttyq sıpat pen naqyshtaǵy zamanaýı ǵımarattardy birge tamash