Máskeý qalalyq saılaý komıssııasy qala basshysy qyzmetine úmitkerlerdiń jınaǵan daýystary boıynsha aldyn-ala sanaq júrgizdi. Bul týraly RIA «Novostı» habarlady.
Aldyn-ala júrgizgen sanaqtyń nátıjeleri boıynsha, Sergeı Sobıanın – 51,37, Alekseı Navalnyı – 27,24, kommýnıst Ivan Melnıkov – 10,69, «Iаbloko» partııasynyń kóshbasshysy Sergeı Mıtrohın – 3,51, Reseı lıberaldy-demokratııalyq partııasynyń ókili Mıhaıl Degtıarev – 2,86, Ádiletti Reseı partııasynyń ókili Nıkolaı Levıchev – 2,79 paıyz daýys jınaǵan kórinedi.
Máskeý qalalyq saılaý komıssııasynyń málimdeýine qaraǵanda, qala basshysyn tańdaýǵa saılaýshylardyń 32,07 paıyzy qatysqan.
«Aldyn-ala belgili bolǵan nátıjelerge qaraǵanda, saılaý bir aınalymmen aıaqtalyp otyr. Saılaýdyń ekinshi aınalymy bolmaıdy», – dep habarlady Máskeý qalalyq saılaý komıssııasynyń basshysy Valentın Gorbýnov.
«Biz saılaýdyń nátıjesimen kelispeımiz. Saılaý eki aınalymnan turýy kerek», – dep málimdedi Alekseı Navalnyı.
О́z kezeginde Sergeı Sobıanın kópshilik aldynda jeńisine senimdi ekenin aıtty. «Qorytyndy nátıje boıynsha biz báribir jeńiske jetemiz», – dedi ol.
Aıdar О́risbaev.