Býdapesht qalasynda Qazaqstan Respýblıkasynyń elshiligi Majarstan Ulttyq ekonomıka mınıstrligi men Saýda-ónerkásiptik palatasynyń atsalysýymen osy eldiń jetekshi isker toptarynyń 100-den asa ókilderi qatysqan Qazaqstan-Majarstan bıznes-forýmyn ótkizdi.
Býdapesht qalasynda Qazaqstan Respýblıkasynyń elshiligi Majarstan Ulttyq ekonomıka mınıstrligi men Saýda-ónerkásiptik palatasynyń atsalysýymen osy eldiń jetekshi isker toptarynyń 100-den asa ókilderi qatysqan Qazaqstan-Majarstan bıznes-forýmyn ótkizdi.
Shara barysynda majar tarapy Qazaqstan Prezıdenti N.Á.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty halyqqa Joldaýy, eldegi qoǵamdyq-saıası jáne ekonomıkalyq ahýal, atap aıtqanda, Astana qalasynda EKSPO-2017 kórmesin ótkizý, «jasyl ekonomıkaǵa» ótýdiń negizgi aspektilerimen tanystyryldy.
Forýmda eki eldiń ekonomıkalyq áleýeti taqyrybynda Qazaqstannyń Majarstandaǵy elshisi Nurbah Rústemov, Qazaqstan-Majarstan Ekonomıkalyq yntymaqtastyq jónindegi úkimetaralyq komıssııanyń teń tóraǵasy – Majarstan Ulttyq ekonomıka mınıstri Mıhaı Varga, Ulttyq ekonomıka vıse-mınıstri Antal Nıkolettı, «Majar saýda úıleri» kompanııasynyń tóraǵasy Vılmosh Shkýltetı jáne Qazaqstan-Majarstan Iskerlik keńesiniń teń tóraǵasy Shandor Fashımon baıandama jasady.
Bıznes-forým aıasynda taraptar saýda-ekonomıkalyq jáne ınvestısııa salalaryndaǵy ekijaqty baılanystardy tereńdetý men onyń aıasyn keńeıtý máselesin de talqyǵa saldy.
«Egemen-aqparat».