Qazaqstandaǵy Rıeltorlar qaýymdastyǵynyń prezıdenti Larısa Stepanenko búgin ótken vebınar jıynda olar bul qadamǵa klıentterinen aırylyp qalmaý úshin baryp otyrǵanyn aıtty.
Onyń aıtýynsha, qazirgi ýaqytta kommersııalyq jyljymaıtyn múlik naryǵyndaǵy mámileler karantınge baılanysty toqtap, rıeltorlar qashyqtan jumys isteýge kóshti.
Ol karantın aıaqtalǵan soń da jalǵa berý naryǵynda úlken ózgerister bolatynyn aıtty. Bir aılyq karantın kezinde ishki naryq úshin buryn múldem beıtanys bolyp kelgen múmkindikterdi ashty. Tótenshe jaǵdaıdan shyqqannan keıin kóptegen kompanııalar keńse keńistigin qaıta qarap, keıbir qyzmetkerlerin onlaın rejımine aýystyrady nemese shtat sanyn qysqartady. Sol sııaqty osyndaı jaǵdaı páterdi jalǵa berý naryǵynda da qalyptasýy múmkin. «Sondyqtan, meniń boljamym boıynsha jaldaý baǵasy azdap tómendeıdi. Sebebi osyǵan deıin eki tarap ta úkimettiń bul máselege aralasýyn suraǵan. Jalǵa alýshylar karantın kezinde arenda aqshasyn toqtatýdy talap etse, jalǵa berýshiler úkimet sýbsıdııa berse ǵana bul talapqa kelisetinin aıtqan. Sebebi budan ózge jol joq. Aldaǵy ýaqytta adamdar da, kompanııalar da barynsha únemdeý jaǵdaıynda jumys isteıdi» dedi Stepanenko.
Sonymen qatar qaýymdastyq basshysy rıeltorlar naryǵyndaǵy týraly da aıtyp ótti. Qazir naryqta óli tynyshtyq ornaǵan. Úıdi jalǵa alý týraly usynys toqtap tur. Esesine jalǵa berýshiler eselep kóbeıip ketipti.
«Qazir biz onlaın rejıminde jumys klıentter bazasyn saqtap, jyljymaıtyn múlikti satyp alýǵa, satýǵa nemese jalǵa berýge daıyn adamdardy anyqtaýǵa qatysty kelissózder júrgizdi júrgizýge daıyndap jatyrmyz. Bizdiń mamandarymyz da daıyndyqtan ótýde. Alaıda qarjylyq qıyndyqtar óte joǵary. Bul óte aýyr soqqy. Meniń oıymsha, naryq shamamen 10-15% qysqarady», deıdi Stepanenko.
Eske sala keteıik, buǵan deıin biz Almaty jáne Nur-Sultan qalalary turǵyn úı naryǵynda tynyshtyq ornaǵanyn, jalǵa alýshylar arenda baǵasyn tómendetip, Úkimetten kómek suraǵanyn jazǵanbyz.