Investısııa tartýǵa quqyqtyq senimdilik kerek

Kezdesý barysynda Bank basshy­lyǵy men qyzmetkerleri konstı­týsııalyq ózgeristerdiń el ekono­mıkasynyń turaq­ty­lyǵyna, damý ınstıtýttaryna jáne uzaqmerzimdi ınves­tısııalyq ahýalǵa yq­palyn tal­qylady.

Jıynda QDB basqarma tóraǵasy Marat Elibaev strategııalyq ınvestı­sııa­lyq jobalarmen jumys isteıtin qarjy ınstıtýty úshin Negizgi zańdy ja­ńartý asa mańyzdy kezeń ekenin atap ótti.

– «Qazaqstannyń Damý banki» eko­nomıkalyq ózgeris­ter­diń aldyńǵy shebin­de tur. Investısııalyq tartym­dy­lyq­ty qalyptastyrý quqyqtyq senimdiliksiz múmkin emes. 15–20 jylǵa eseptelgen iri jobalar turaqty ınstıtýttar men menshik quqyǵyn qorǵaýdy talap etedi. Al Prezıdent aıtyp otyrǵan ekonomıkany jańǵyrtý eń aldymen, normatıvtik-quqyqtyq ortany jańartýdan bastalady. Jańa Konstıtýsııa memlekettik basqarýdyń jańartylǵan negizin qalyptastyryp, bılik­tiń neǵurlym teńgerimdi ári esep beretin modeline kóshýdi bekitedi. Bul qarjy júıesiniń turaqtylyǵyna, bank sek­to­rynyń ornyqtylyǵyna jáne halyqaralyq seriktesterdiń senimin nyǵaıtýǵa tikeleı áser etedi, – dedi Marat Elibaev.

Kezdesýde L.N.Gýmılev atyndaǵy Eýrazııa ulttyq ýnı­ver­sıtetiniń prorektory, PhD, saıasattanýshy Indıra Rystına elimizdegi konstıtýsııalyq reformany ázirleý úderisi men jańa Konstıtýsııa jobasynyń daıyndalýy týraly jan-jaqty baıandady, sondaı-aq arnaıy jumys komıssııasynyń qalaı qurylǵanyn túsindirdi.

Budan keıin QDB Quqyq­tyq qam­ta­masyz etý depar­ta­mentiniń dırektory Qarlyǵash Ahmetjanova elimizdiń qol­­da­nystaǵy Konstıtý­sııa­syna engi­zile­tin negizgi jańalyq­tar­dy tanys­tyr­dy.

Jıyn qorytyndysynda qatysý­shylar jańa Konstı­tý­sııada aı­qyn­dalǵan adam kapıtalyn damytý men tehno­logııalyq jańǵyrýǵa basym­dyq berý ashyq ári bol­jamdy iskerlik ortany qalyptastyrýǵa múmkindik beretinin atap ótti. Sondaı-aq aldaǵy refe­rendýmda daýys berýdiń mańyzy,  el damýyna árbir otandasymyzdyń azamattyq ustanymy aıryqsha ról atqaratyny aıtyldy.