Túrkistan oblysy Arys aýdanynyń prokýratýrasy agroónerkásip salasynda júrgizgen tekserý nátıjesinde bıýdjet qarajatyn asa iri mólsherde jymqyrý faktisin anyqtady, dep jazady Egemen.kz.
Atap aıtqanda, «Y» aýyl sharýashylyǵy óndiristik kooperatıviniń basshysy 2021 jyldyń sáýir aıynda aqparattyq júıege kooperatıv atyna 2 470 bas analyq iri qara maldy jalǵa alǵany týraly jalǵan málimet pen seleksııalyq jumystar júrgizý úshin 120 bas asyl tuqymdy buqany jalǵa alǵany jóninde aqparat engizgen.
Sáıkesinshe, memleketten kooperatıvtiń banktik esepshotyna 24 700 000 teńge kóleminde sýbsıdııa qarajaty aýdarylǵan.
Alaıaqtyq keń taraǵan: Premer-mınıstr sýbsıdııalaý saıasatyn qaıta qaraýdy tapsyrdy
Alaıda is júzinde seleksııalyq jumystar tek 18 bas asyl tuqymdy buqa jáne 450 bas analyq iri qara malǵa ǵana júrgizilip, zańsyz alynǵan sýbsıdııa somasy 20 200 000 teńgeni quraǵan.
Atalǵan fakti negizinde asa iri mólsherde alaıaqtyq baby boıynsha sotqa deıingi tergep-tekserý júrgizilgen.
Sot «Y» aýyl sharýashylyǵy óndiristik kooperatıviniń basshysyn kináli dep tanyp, oǵan 4 jyl merzimge bas bostandyǵynan aıyrý jáne 5 jyl merzimge kommersııalyq uıymdarda basshylyq laýazymdardy atqarý quqyǵynan aıyrý jazasyn taǵaıyndady.
Sýbsıdııanyń qaıtarymy bola ma?
Sondaı-aq zańsyz alynǵan aqshalaı qarajat tolyq kólemde óndirilip, memleket kirisine qaıtarylǵan.
Úkim zańdy kúshine engen joq.