Qatardyń Premer-mınıstri ári Syrtqy ister mınıstri sheıh Mýhammed bın Abdýlrahman Al-Tanı Irandy Ormuz buǵazy arqyly kórshi elderge qysym kórsetpeýge shaqyrdy. Bul týraly ol Dohada Túrkııa syrtqy ister mınıstri Hakan Fıdanmen ótken kezdesýde málimdedi, dep habarlaıdy Egemen.kz.
Ál-Tanı Ormuz buǵazy halyqaralyq mańyzy bar teńiz dálizi ekenin atap ótip, onyń qaýipsizdigi únemi qamtamasyz etilýi tıis ekenin aıtty.
«Bul – únemi qorǵalyp, qaýipsizdigi turaqty túrde qamtamasyz etilýi tıis halyqaralyq sý dálizi. Buǵazdaǵy qazirgi jaǵdaı men onda bolyp jatqan oqıǵalar endi qaıtalanbaýy kerek», dedi ol.
AQSh Irannyń áskerı nysandaryna soqqy jasady
О́z kezeginde Hakan Fıdan da Qatar tarapynyń ustanymyn qoldap, álemdik munaı men gaz tasymalynyń mańyzdy bóligi ótetin Ormuz buǵazynyń turaqtylyǵy halyqaralyq qaýipsizdik úshin asa mańyzdy ekenin jetkizdi.
Eske sala keteıik, buǵan deıin AQSh Iranǵa Ormuz buǵazyn kezeń-kezeńimen ashýdy usynǵan bolatyn.
Nurbolat AMANBEK