15 naýryzda elimizde «Referendým – 2026» atty aýqymdy onlaın marafon ótedi. Tańǵy 09:00-de bastalatyn tikeleı efır túngi 00:15-ke deıin jalǵasyp, el ómirindegi mańyzdy saıası oqıǵanyń barysyn jan-jaqty qamtıdy. 15 saǵatqa sozylatyn marafon barysynda referendým kúniniń negizgi sátteri, qoǵamdaǵy kóńil kúı, sarapshylar men qoǵam qaıratkerleriniń pikirleri jedel ári zamanaýı formatta kórermenge usynylady, dep jazady Egemen.kz.
Naýryznama onkúndigi aıasynda uıymdastyrylǵan bul joba tek aqparat taratý alańy emes. Marafon qoǵamdaǵy ózekti máselelerdi talqylaıtyn, jańa ıdeıalar men tehnologııalyq bastamalardy tanystyratyn pikir alańy retinde josparlanǵan. Is-sharaǵa saıası qaıratkerler, qoǵamǵa tanymal azamattar, óz salasynda tabysqa jetken mamandar, óner men mádenıet ókilderi, sondaı-aq startap jobalaryn júzege asyryp júrgen jas kásipkerler qatysyp, el damýynyń mańyzdy baǵyttary jóninde oı bólisedi.
Qasym-Jomart Toqaev jastardy referendýmǵa belsene qatysýǵa shaqyrdy
Marafon barysynda kórermenderge tehnologııalyq sheshimderge negizdelgen erekshe baǵdarlamalar usynylady. Otandyq ónertapqyshtar jasaǵan robottar júrgizýshilermen birge efırge qatysyp, gologramma-shoý arqyly Qazaqstannyń sońǵy jyldardaǵy jetistikteri kórneki formatta tanystyrylady.
Joba aıasynda bes túrli alań jumys isteıdi. Sahnada qoǵam qaıratkerleri, ónertapqyshtar men qaıyrymdy isterimen tanylǵan azamattar pikir almasady. Sonymen qatar konserttik baǵdarlama uıymdastyrylyp, sarapshylar men qoǵam ókilderiniń qatysýymen ózekti taqyryptarǵa arnalǵan pikirtalastar ótedi. Innovasııalyq jobalar men otandyq startaptar tanystyrylyp, qonaqtarmen blıs-suhbattar júrgiziledi. Budan bólek, el aımaqtary men shetelden tikeleı qosylymdar uıymdastyrylady.
15 naýryz kúni «Invataksı» qyzmeti tegin bolady
«Referendým – 2026» onlaın marafony respýblıkalyq jáne aımaqtyq buqaralyq aqparat quraldarynyń resmı saıttary men áleýmettik jelidegi paraqshalarynda tikeleı kórsetiledi. Jobaǵa qatysty jedel aqparattar men jańalyqtar «Referendým – 2026» telegram arnasynda turaqty túrde jarııalanyp otyrady.
Halyqaralyq mıssııa: ashyqtyq pen jarııalylyq