«Ulttyq agrarlyq ǵylymı-bilim berý ortalyǵy» KEAQ basqarma tóraǵasy Tóleýtaı Raqymbekovtyń bastamasymen Ortalyqtyń ǵalymdary aýylsharýashylyq taýar óndirýshilerge buqaralyq aqparat quraldary - Facebook, Instagram, Telegram áleýmettik jeliler men ǵalamtor resýrstary arqyly onlaın keńes berý júrgizilýde, dep habarlady «Ulttyq agrarlyq ǵylymı-bilim berý ortalyǵy» KEAQ baspasóz qyzmeti.
COVID-19 pandemııasy saldarynan Qazaqstanda engizilgen tótenshe jaǵdaıǵa qaramastan, aǵymdaǵy jyldyń 30 naýryzynan bastap UAǴBBO Qazaq ulttyq agrarlyq ýnıversıtetimen jáne eginshilik jáne ósimdik sharýashylyǵy, maqta sharýashylyǵy, jemis sharýashylyǵy, kúrish sharýashylyǵy, mal sharýashylyǵy jáne ósimdik sharýashylyǵy ǵylymı-zertteý ınstıtýttarymen birlesip, 47 184 adamdy jáne qosymsha qaralym 6 740 adamdy qamtıtyn, negizinen kóktemgi - dalalyq jumystarǵa daıyndyq máselelerine qatysty, 7 onlaın keńes berý ótkizildi.
Sonymen qatar, UAǴBBO ǵalymdarymen 2020 jyldyń 15 sáýirinen 15 maýsymy aralyǵynda aýyl sharýashylyǵy taýar óndirýshilerdi qyzyqtyratyn taqyryptary boıynsha shamamen 229 keńes ótkizý josparlanǵan.
«Kóktemgi egis jumystary kezinde fermerlerge qoldaý kórsetý óte mańyzdy. Osyǵan baılanysty UAǴBBO ǵalymdary KEJ kezeńinde aýyl sharýashylyǵy taýarlaryn óndirýshilerge qoldaý kórsetý úshin barlyq kúsh-jigerin jumsaýda. COVID-19 pandemııasy saldarynan Qazaqstanda engizilgen tótenshe jaǵdaıǵa qaramastan, biz, ǵalym-agrarshylar Qazaqstannyń barlyq óńirlerinde qazirgi zamanǵy aqparattyq-kommýnıkasııalyq tehnologııalar arqyly fermerler úshin belsendi konsýltatıvtik jumys júrgizýdi jalǵastyrýdy kózdep otyrmyz. Búginde bizge fermerlerden kóptegen mańyzdy máseleler kelip túsýde jáne UAǴBBO-nyń barlyq enshiles uıymdary ózderiniń usynystaryn onlaın rejıminde usynady», - dep atap ótti T. Raqymbekov.
Onlaın keńes berý jumysy barysynda UAǴBBO sarapshylary tyńdaýshylarmen jáne keńes berý qatysýshylarymen suraq-jaýap túrinde keri baılanys júrgizdi. Barlyq qatysýshylar men tyńdaýshylarǵa onlaın keńes berý barysynda sharýashylyqtardaǵy problemalyq suraqtarǵa tolyq jaýaptar berildi. Ǵalymdar fermerlerdiń dándi, jemshóp, kókónis daqyldaryn elıtalyq tuqymdarmen qamtamasyz etý, sharýashylyqtar aýmaǵynyń agrohımııalyq kartogrammalaryn jasaý jáne olardyń quny, tyńaıtqyshtar engizý (kólemi jáne sany), parazıtter men aýrýlarǵa qarsy agrohımııalyq is-sharalar júrgizý, qoldan uryqtandyrý tehnologııalaryn engizý, jaıylymdardyń jaı-kúıi jáne olardyń tozýy, respýblıkanyń ońtústik-shyǵys bóligindegi taý bókterindegi jyrtylǵan jerlerdiń tuzdalǵan jáne erozııalanǵan topyraqtarynyń erekshelikteri jáne olardyń qunarlylyǵyn jaqsartý jónindegi sharalar máselelerine qatysty jáne taǵy basqa da kóptegen suraqtaryna jaýap berdi.
Joǵary qyzyǵýshylyq pen onlaın ýaqyttyń shekteýligi, sondaı-aq kóptegen suraqtar, barlyq usynystar men jaýaptar fermerlerdiń elektrondyq poshtasyna jazbasha túrde usynylady.
Budan basqa, UAǴBBO ǵylymı-zertteý ınstıtýttary men ortalyqtary, aýyl sharýashylyǵy tájirıbe stansııalary men sharýashylyqtary jergilikti jerlerde derbes onlaın konsýltasııalar ótkizedi.
Aıta ketý kerek, UAǴBBO ǵalymdary 2019 jyly 610 keńes ótkizdi. Aǵymdaǵy jyly 15 sáýirden 15 maýsym aralyǵynda ǵalym-agrarıler 229 onlaın keńes ótkizýdi josparlap otyr, bul ótken jylmen salystyrǵanda 62,5% - ǵa az. 2019 jyly UAǴBBO enshiles uıymdarymen 16 706 adamdy qamtıtyn 1 036 aqparattyq-túsindirý is-sharalaryn ótkizdi, onyń ishinde: - semınarlar men kýrstar - 335 birlik, onyń qorytyndysy boıynsha oqytýdan 8 635 adam ótti; - aǵymdyq (kóshpeli) konsýltasııalar -161 birlik, onyń qorytyndysy boıynsha 742 adam keńes aldy; - sarapshylarmen tikeleı konsýltasııalar- 449 birlik, onyń qorytyndysy boıynsha764 adam keńes aldy; - 4 394 adamnyń qatysýymen jalpy sany 54 birlik Dala kúnderi; - konferensııalar, dóńgelek ústelder, keńester, usynystar jáne taǵy basqa sharalar ótkizildi.