Jańa veb-portal ashyldy

Keshe Qazaqstan Prezıdenti janyndaǵy Ortalyq kommýnıkasııalar qyzmetinde Astana tórinde ótip jatqan Damýshy naryqtardyń Eýrazııalyq forýmy aıasynda «Qazaqstan-2050» Strategııasy – qalyptasqan memlekettiń jańa saıası baǵyty» Joldaýynyń júzege asyrylý barysy jaıynda aqparat taratatyn jańa veb-portaldyń tanystyrylymy ótti.

Keshe Qazaqstan Prezıdenti janyndaǵy Ortalyq kommýnıkasııalar qyzmetinde Astana tórinde ótip jatqan Damýshy naryqtardyń Eýrazııalyq forýmy aıasynda «Qazaqstan-2050» Strategııasy – qalyptasqan memlekettiń jańa saıası baǵyty» Joldaýynyń júzege asyrylý barysy jaıynda aqparat taratatyn jańa veb-portaldyń tanystyrylymy ótti.

Jıyndy ashqan Qazaqstan Prezıdenti janyndaǵy Ortalyq kommýnıkasııalar qyzmetiniń resmı ókili Altaı Ábıbýllaev atalǵan aqparattyq portal «Qa­zaq­stannyń 2050 jylǵa deıingi Damý strategııasyn» halyqqa jáne búkilálemdik qaýymdastyqqa túsindirý maqsatynda ashylyp­ otyrǵanyn aıta kele, ony eli­mizdiń Mádenıet jáne aqparat mınıstrligine qarasty «Qaz­kontent» AQ mekemesi daıyn­daǵanyn atap ótti.

Bul rette, «Qazkontent» AQ basqarma tóraǵasynyń orynbasary Zarına Baqtıeva da sóz alyp, «Strategııa-2050» veb-por­talynyń maqsat-mindeti tóńi­reginde baıandap berdi. «Bul veb-portal – «Qazaqstan-2050» Strategııasynyń júzege asyrylý barysy týraly jedel máli­metter men eksklıýzıvti taldaý­lar men saraptaýlar shoǵyry jınaqtalatyn aqparat alańyna aınalatyn bolady. Munda kún saıyn 40-tan astam aqparattyq jáne taldaý materıaldary, beıne, fotomaterıaldar úsh tilde ja­ryq kórip otyrady», – dedi Zarına Baqtıeva óz sózinde.

Onyń aıtýyna qaraǵanda, jańa aqparattyq ınteraktıvti portaldy ázirlegende paıda­laný­shylarǵa tıimdilik jaǵy jan-jaqty eskerilgen jáne olar­ǵa yńǵaıly bolý úshin qa­zirgi zamanǵy ádis-tásilder to­lyq­taı qamtylǵan. Portaldyń kórý qabileti nashar jandarǵa arnalǵan arnaıy nusqasy da bar kórinedi. «Bul portal tanymal áleýmettik jelilermen kiriktirilgen. Iаǵnı, sizder jańalyqtardyń qysqa túr­degi ańdatpasyn kórýge múmkindik alasyzdar», – dedi Z.Baqtıeva.

«Qazkontent» AQ basqarma tóraǵasynyń orynbasary, son­daı-aq, «Strategııa-2050» portalynda 2050 jylǵa deıingi jobalar tizbegi týraly barlyq aqparat qamtylatynyn, portalda ınteraktıvti karta ornalasqanyn, bul jerde Qazaqstannyń jalpy kartasy jasalǵanyn atap ótti. «Munda elimiz oblystarynyń qandaı salalarynda qansha joba júzege asyrylyp jatqany týraly tolyq málimet alýǵa jáne kórýge bolady. Buǵan qosa, jobalardyń 2050 jylǵa deıingi iske asyrylý barysyna da kóz jetkize alasyzdar. Túıindep aıtsaq, portal ony paıdalanýshylarǵa zor ın­teraktıvti múmkindikter usy­na­dy. Bul jańalyqtar taspasy jáne onlaın-translıasııa», dedi Z. Baqtıeva.

Parlament Senatynyń depýtaty Serik Nógerbekov bú­gin­de qoǵam aldynda «Qazaq­stan-2050» Strategııasyn júzege asyrý, álemniń damyǵan 30 eliniń qataryna kirý aýqymdy mindeti turǵanyn aıta kele, G-Global hatshylyǵy atynan «Strategııa-2050» portaly G-Global kommýnıkatıvti ala­ńynyń zor qoldaýyna ıe bola­tynyna senim bildirdi. «G-Global búginde álemdegi iri kommý­nıkatıvti alańdardyń biri bolyp otyr. Al «Strategııa-2050» portaly G-Global kommýnıkatıvti alańynyń zor qoldaýyna ıe bolady dep sanaımyn», dedi ol bul týrasynda.

Mádenıet jáne aqparat vıse-mınıstri Arman Qyryqbaev bul Elbasy qoıǵan maqsat-mindetterdi júzege asyrý aıasynda jasalǵan úlken jumystyń jemisi ekenin, bul rette, kópfýnksııaly, ınter­aktıvti veb-portaldyń óz ar­tyq­shylyǵy baryn atap ótti. «30 jyl degen demde óte shyǵatyn ýa­qyt. Sondyqtan, Memleket bas­shy­synyń el aldyna qoıǵan talap­taryn oryndaý úshin, ortaq maqsattarǵa qol jetkizý úshin aıan­baı qyzmet etý kerek. Al ol qyzmettiń qalaı jasalyp jat­qandyǵy halyqtyń nazaryn­da bolýy tıis. «Strategııa-2050» veb-portaly, mine, osy maqsatta jasalǵan aýqymdy bastama. Bul portaldyń ereksheligi – ol tek ortalyq memlekettik organdar deńgeıinde atqarylyp jatqan is-sharalardy ǵana emes, aımaqtarda júzege asyrylyp jatqan ju­mys­tardy da nasıhattap otyrady», dedi A.Qyryqbaev.

Onlaın-rejimi arqyly baı­lanysqa shyqqan Pavlodar oblysy ákiminiń orynbasary Aryn О́rsarıev: «Men saıtpen, onyń aldyna qoıylǵan maqsat-mindettermen tanysyp shyqtym. Interfeısi, sátti tańdalyp alyn­ǵan sýretteri – bári de súzgiden ótip, aldyn ala oılastyrylyp jasalǵany kórinip tur. Tal­da­maly, saraptamaly materıaldar da kezdesedi eken.