Búgin, Soltústik Kaspııdegi «Qashaǵan» ken ornynda munaıdyń alǵashqy barrelin óndirý bastaý aldy. Bul týraly «Nort Kaspıan Opereıtıng Kompanı B.V.» («NKOK») kompanııasynyń baspasóz qyzmeti habarlady. Buǵan deıin «QazMunaıGaz» prezıdenti Saýat Myńbaev atalǵan ken ornynan alǵashqy munaı tamshylaryn óndirý 9 qyrkúıekte bastalatynyn málim etken edi. Keıinnen Munaı jáne gaz mınıstri Uzaqbaı Qarabalın «Qashaǵan» munaıynyń sál keıindeý óndiriletinin jarııalady.
Endi mine, kópten kútken «Qashaǵannyń» munaıy óndirile bastady. Osylaısha, Qazaqstannyń munaı-gaz ónerkásibiniń tarıhynda alǵash ret sý astynan munaı óndirý jylnamasy jazyla bastady. Eske sala keteıik, «Qashaǵan» –Soltústik Kaspııdegi asa iri ken orny. Atyraýdan ońtústik-shyǵysqa qaraı 80 shaqyrym qashyqtyqta ornalasqan. Geologııalyq qory shamamen 35 mıllıard barreldi quraıdy.
Joldasbek Shópeǵul,
Atyraý oblysy.