Aqmola oblystyq ádebıet jáne óner murajaıynda Qoja Ahmet Iаssaýıdiń «Dıýanı Hıkmet» kitabynyń shaǵataı tilindegi túpnusqasy saqtalǵan. Bul týraly «Qazaqstan-Kókshetaý» telearnasy habarlady.
Keńes dáýirinde jasyryn saqtalǵan bul kitapqa osydan bes jyl buryn ǵalymdar zertteý júrgizgen eken. Onyń nátıjesi boıynsha qundy dúnıeniń XVI ǵasyrda jazylǵany belgili boldy. Jalpy, elimizde «Dıýanı Hıkmettiń» 3 danasy bar. Onyń biri Túrkistan qalasyndaǵy murajaıda, al ekinshisin Shyǵystaný ýnıversıtetiniń rektory Parıj elinen ákeldi, úshinshi kitap bizdiń murajaıda saqtaýly tur. Bul kitaptyń ereksheligi, orta ǵasyrlyq jazba ádebıet tili shaǵataı tilinde jazylǵan. Qazir muny Astana qalasyndaǵy Imanǵazy Nurahmetov bastaǵan ǵalymdar aýdaryp boldy. Endi taıaý arada baspaǵa usynatyn bolamyz», - deıdi oblystyq ádebıet jáne óner murajaıy dırektorynyń orynbasary Gúlzaıra Sábıtova.
Bizge belgilisi, kóne dáýirden saqtalǵan 90 bettik kitap buqar paraǵynan jasalǵan eken. Sondyqtan ondaǵy jazbalar sol qalpynda saqtalypty.
Danııar Túımebaı.