Qytaı Halyq Respýblıkasynyń Tóraǵasy Sı Szınpınniń Qazaqstan Prezıdenti Nursultan Nazarbaevtyń shaqyrýy boıynsha ústimizdegi jylǵy 6-8 qyrkúıekte bizdiń elimizge jasaǵan memlekettik saparynyń qorytyndysy joǵarydaǵy qaǵıdattyń shyndyqqa janasymdy ekenin taǵy bir márte ańǵartyp ótti. Buǵan osy sapar barysynda eki memleket basshylary jasasqan baılamdardyń mańyzy men mazmuny dálel bola alady. Bul jolǵy kezdesý eki memleket arasyndaǵy jan-jaqty strategııalyq áriptestikti budan ári tereńdete túsýdiń kemel keleshegin aıqyndap berdi.
Qytaı Halyq Respýblıkasynyń Tóraǵasy Sı Szınpınniń Qazaqstan Prezıdenti Nursultan Nazarbaevtyń shaqyrýy boıynsha ústimizdegi jylǵy 6-8 qyrkúıekte bizdiń elimizge jasaǵan memlekettik saparynyń qorytyndysy joǵarydaǵy qaǵıdattyń shyndyqqa janasymdy ekenin taǵy bir márte ańǵartyp ótti. Buǵan osy sapar barysynda eki memleket basshylary jasasqan baılamdardyń mańyzy men mazmuny dálel bola alady. Bul jolǵy kezdesý eki memleket arasyndaǵy jan-jaqty strategııalyq áriptestikti budan ári tereńdete túsýdiń kemel keleshegin aıqyndap berdi.
Qazaqstan Prezıdenti Nursultan Nazarbaev bul kezdesýge Sankt-Peterbýrgte ótken G20 sammıtinen keıin shuǵyl jetti. Elbasynyń Qytaı lıderimen birinshi kezdesýi Astanadaǵy Nazarbaev Ýnıversıtetinde ótti. Munda memleket basshylary ýnıversıtettiń jumysymen birshama tanysyp bolyp, stýdentterdiń aldyna shyqty. Osy kezdesýdiń barysynda eki eldiń arasyndaǵy qarym-qatynasty burynǵydan beter jarastyra túsýge dáneker bolatyn birneshe qaǵıdatty máseleler boıynsha mámile jasalatyny ashyp aıtyldy. Sóz tizginin birinshi bolyp alǵan Nursultan Nazarbaev, máselen, bizdiń elimiz Qytaıdyń Qazaqstanmen jáne aımaqtaǵy ózge memlekettermen qarym-qatynasyn nyǵaıtýǵa umtylysyn qoldaıtynyn atap ótti. Elbasy, sonymen qatar, bıylǵy jyly eki el arasyndaǵy ekonomıkalyq yntymaqtastyq aıtarlyqtaı alǵa jyljyp, taýar aınalymy 26 mlrd. dollarǵa jetkenine nazar aýdardy. Osy jerde eki lıderdiń aldaǵy jyly bul mejeni 40 mlrd. dollarǵa deıin jetkizý mindetin alǵa qoıyp otyrǵany da belgili boldy. Osy kúnderi júrgiziletin kelissózderdiń qorytyndysynda yntymaqtastyqty jańa satyǵa kóteretin 20-dan astam jańa qujatqa qol qoıylatyny aıǵaqtaldy.
Qazaqstannan shyqqan kóptegen talapkerler birqatar jyldan beri Qytaıdyń ártúrli joǵary oqý oryndarynda oqyp, bilim alyp júr. Jaqyn arada mundaı qamqorlyqty qytaılyq órender de kóredi. Kezdesýde Nursultan Nazarbaev: «Jastar birin biri bilip, qarym-qatynastarymyz odan ári nyǵaıa berý úshin Qazaqstan da Qytaıdan stýdentter qabyldaýǵa ázir. Qazaqstan uzaq merzimdi yntymaqtastyqqa daıyn. Qazaqstan QHR-ǵa jaqsy kórshi, senimdi dos jáne ekonomıkalyq seriktes bolady», – dedi osyǵan oraı.
Jınalǵandar Qytaı kóshbasshysy Sı Szınpınniń stýdentter aldynda oqyǵan dárisinen de kóp maǵlumattarmen qanyqty. Ol óz sózinde Qytaıdyń Ortalyq Azııadaǵy syrtqy saıası basymdyqtary men Qazaqstanmen aradaǵy ekijaqty yntymaqtastyq týraly sóz qozǵap, Qazaqstannyń táýelsizdik alǵannan bergi jyldardaǵy ekonomıkalyq jáne saıası damýyndaǵy jetistikterine tańdanys bildirdi. Qazaq eliniń bul tarapta edáýir ilgeri ketkenin jáne bul qadamy halyqtyń turmys deńgeıin aıtarlyqtaı jaqsartyp, halyqaralyq bedeliniń artýyna jol ashqanyn atap ótti. Munyń taǵy bir dáleli Astananyń qazirgi kelbetinen de kórinip turǵanyn jetkizdi.
Osy oraıda QHR Tóraǵasynyń: «Nebári 10 jyldyń ishinde naǵyz zamanaýı qala deńgeıine kóterilgen Astana Qazaqstan jeriniń taǵy bir ǵajaıyp qubylysy atanyp otyr. Astana – eńbeksúıgishtiktiń, Qazaqstan halqynyń ósip-órkendeýi men jarqyn bolashaǵynyń sımvoly. Qytaıdyń Han áýletiniń elshisi 2 myń jyldan astam ýaqyt buryn beıbitshilik pen dostyq mıssııasymen qazaq dalasyna eki ret kelipti. Sol saparlar Qytaıdyń Ortalyq Azııamen dostyq qatynastarynyń keńeıýine yqpal etip, Jibek jolynyń Shyǵystan Batysqa, Azııadan Eýropaǵa barar baǵyttaryn ashty. Ejelgi Jibek joly óziniń bastaýyn meniń týǵan provınsııam sanalatyn Shensıden alady», – dep atap kórsetken sózderi bizdiń elordamy