Qytaıdan Qazaq handyǵy tarıhyna qatysty 283 tom kóshirmeler jetkizildi. Keshe osy týraly málimdegen tarıh ǵylymdarynyń doktory, professor Merýert Ábýseıitova olardy Sın áýleti muraǵatynyń qujattary quraıtynyn baıandady.
Qytaıdan Qazaq handyǵy tarıhyna qatysty 283 tom kóshirmeler jetkizildi. Keshe osy týraly málimdegen tarıh ǵylymdarynyń doktory, professor Merýert Ábýseıitova olardy Sın áýleti muraǵatynyń qujattary quraıtynyn baıandady.
Keshe Atyraýda Nazarbaev zııatkerlik mektebi ashyldy. Bilim ordasyna qabyldanǵan 720 talapker 7-10-synyptardyń 2978 oqýshysy arasynan iriktep alyndy.
Almatyda 100 otbasy páterlerge ıe boldy. «Memleket basshysynyń qalamyzǵa asa zor kóńil bólýi nátıjesinde salynǵan jańa turǵyn úıler birinshi kezektegi muqtaj adamdarǵa berildi», – dedi osyǵan oraı ótken saltanatta qala ákimi Ahmetjan Esimov.
Ońtústik Qazaqstannyń ónerkásip jáne aýyl sharýashylyǵy taýarlaryn tıegen kólikter Máskeýge attandy. Oblys ákimi Asqar Myrzahmetov bastaǵankerýen 14-26 qyrkúıekte Reseı astanasynda ótetin aýmaqtyq jármeńkeni dittep barady.
Pavlodarda Oralhan Bókeı atyndaǵy kórkemsóz oqý sheberleriniń oblystyq baıqaýy ótti. Saıysqa qatysqan 16-20 jas aralyǵyndaǵy mektep oqýshylary men joǵary oqý oryndarynyń stýdentteri arasynan Baıanaýyl aýdanynyń ókili Rahymberdi Álpesh top jardy.
Semeıde ata-analar mektebi ashyldy. Arnaıy áleýmettik qyzmet kórsetý ortalyǵynyń bazasynda boı kótergen bul qurylym múmkindigi shekteýli balalar otbasylarynyń muń-muqtajdaryn sheshýge baǵyt ustaıdy.
Aqtaý qalasynyń turǵyndary bashqurt mádenıetimen tanysady. Bul osy qalada 16-17 qyrkúıek kúnderi baýyrlas jurt «Salavat» mádenıet ortalyǵynyń qala ákimdigimen birlesip ótkizetin sharasy arqasynda múmkin bolǵaly tur.
Jambyl oblysynda 29 bas jylqy urlaǵan urylar ustaldy. Olar atalmysh úıirdi birneshe aı buryn Talas aýdany, Aqkól aýylyna jaqyn mańdaǵy jaıylymnan aıdap áketken eken.
«QazAqparat», «Qazaqstan jańalyqtary», Bnews.kz,
TengriNews, EgemenNews habarlary boıynsha daıyndaldy.