Sheteldik BAQ Astana qalasynda ótken Damýshy naryqtardyń Eýrazııalyq forýmy jóninde
Basqa basylymdardan
Ne deıdi?
Sheteldik BAQ Astana qalasynda ótken Damýshy naryqtardyń Eýrazııalyq forýmy jóninde
Seısenbi kúni Astana qalasynda Damýshy naryqtardyń Eýrazııalyq forýmynda sóz sóılegen Qazaqstan Prezıdenti Nursultan Nazarbaev munaı Qazaqstannyń basty tabys kózi bolmaýy tıis ekenin alǵa tartty.
«Shıkizat qory ekonomıka ósimine yqpal etedi. Degenmen, ol memlekettiń basty tabys kózi bolmaýy kerek. Bul – Úkimettiń negizgi tapsyrmasy. Bizdiń halyq úshin jylyna 2 mln. barrel munaı óndirilse jetkilikti», – dedi N.Nazarbaev.
--------------------------------------------------------------------------------------
Qazaqstan Úkimeti bıyl 2050 jylǵa deıingi el damýy strategııasynyń jobasyn jasaýdy aıaqtaıdy. Bul týraly Damýshy naryqtardyń Eýrazııalyq forýmynda Qazaqstan Prezıdenti Nursultan Nazarbaev habarlady.
El damýy jóninde másele kótere otyryp, Memleket basshysy Qazaqstannyń jaqynda Sankt-Peterbýrgte ótken «úlken jıyrmalyq» sammıtine qatysýynyń mańyzyn atap ótti. «Pikirtalasqa qatysa otyryp, Qazaqstan is júzinde ekonomıkasy damyǵan elder klýbyna kirdi. Endi ol jerdegi ornymyzdy is júzinde nyǵaıtý úshin jumys jasaýymyz qajet», – dedi ol.
Memleket basshysy damýdyń ózge de mańyzdy baǵyttarynyń arasynda ekonomıkanyń joǵary tehnologııalyq jáne ınnovasııalyq sektorlarynyń basymdylyǵyn alǵa tartty.
--------------------------------------------------------------------------------------
Qazaqstan Prezıdenti Nursultan Nazarbaev taza energetıka jóninde agenttik qurýǵa tapsyrma berdi, dep habarlaıdy QazTAG.
«Bul salada (jańǵyrmaly energııa) keshendi ınstıtýttyq tásil qoldaný qajet. Birinshiden, taza energetıka jóninde agenttik qurý. Ekinshiden, balamaly energııa jónindegi jobalarǵa demeýshilik etetin qor uıymdastyrý. Úshinshiden, energoservıstik kompanııalardyń qurylýyn qamtamasyz etý. Tórtinshiden, sharýashylyq júrgizýshi sýbektilerge energııa únemdegeni úshin yntalandyrýdy qarastyrý», – dedi Nursultan Nazarbaev «Eýrazııa HHI ǵasyrda: jańarý arqyly kóshbasshylyqqa» atty Damýshy naryqtardyń Eýrazııalyq forýmynda.
Daıyndaǵan
Aıdar О́RISBAEV,
«Egemen Qazaqstan».