RIA Novosti aqparat kózi taratqan habarǵa qaraǵanda, jańa Máskeýdiń Voronvovo aýmaǵynda juqpaly aýrýlarǵa arnalyp bir aıdyń ishinde salynǵan aýrýhana búgin indet juqtyrǵan adamdardy qabyldaı bastapty. Bul týraly qala meri óziniń resmı tvıtterinde málimdedi.
Aýrýhananyń ashylý saltanatyna Máskeý ákimi Sergeı Sobıanın jáne RF prezıdenti Vladımır Pýtın onlaıyn qatysyp, asa qysqa ýaqytta iske qosqan qurlysshylarǵa rahmetin jaýdyrdy.
30 kúnniń ishinde paıdaǵa berilgen atalmysh nysan 800 adamdy jatqyzyp, emdeý-saýyqtyratyndaı qýatqa ıe. Qysylǵan jaǵdaıda bul aýrý sanyn 900 deıin arttyrýǵa múmkindik bar eken.
Aýrýhananyń jalpy aýmaǵy 80 myń sharshy metr. Onyń birinshi qabaty – 40 gektar. Munda 50-ge tarta qural-jabdyq túri ornalassa, ekinshi, úshinshi qabaty adam emdeýge arnalǵan.
Jańa aýrýhanada dáriger, medbıke, sanıtarka qatarly 1000 jýyq qyzmetker jumys isteıdi. Dál qazir 500 maman jumysqa kirip úlgeripti.