Karantın jaǵdaıynda oblys ortalyǵyndaǵy №4 emhana janynan provızorlyq emdeý mekemesi ashyldy. 30 tósek-oryndyq ýaqytsha emhanada qazir 15 adam jatyr. Emhananyń júkti áıelderge arnalǵan bólek bólmesi, jansaqtaý bólimi bar. Qazirgi talapqa saı «Taza» jáne «zalaldy» aýmaqqa bólingen emhanada eki epıdemıolog jumys isteıdi.
Provızorlyq emhana pnevmonııa, bronhıt belgileri baıqalǵan, sondaı-aq sýyq ótken, tumaý tıgen turǵyndardy qabyldaıdy. Qalanyń qaı túpkirinen habarlassa da, naýqas jedel járdem kóligimen dereý osynda jetkiziledi. Munda arnaıy medısınalyq tekserýden ótip, indet belgileriniń bar-joǵy anyqtalady.
Qostanaıdaǵy emhana elimizde ashylǵan besinshi provızorlyq emdeý mekemesi.
Qostanaı oblysy