Qazaqstandyq bankterdiń synaqqa tózimdiligi tótenshe jaǵdaıda synǵa túsip jatyr.
Tótenshe jaǵdaı rejımi engizilgennen keıin birneshe kún ótken soń, bankırler koronavırýstyq pandemııadan týyndaǵan qıyn jaǵdaıǵa tap bolǵan klıentterin qoldaý boıynsha birqatar shuǵyl mindetterdi sheshýge májbúr boldy. Osy bankterdiń biri – Bank RBK boldy. Qatań shekteý sharalary bank mamandaryn qashyqtan jumys isteýge mindettep jatyr.
«Bank RBK» AQ Basqarma Tóraǵasy Natalıa Akentıeva keshe keshkisin ótken vebınar jıynda bankter bul synnan ótkenin aıtty. Qashyqtan qyzmet kórsetý arnalaryn damytý uzaq ýaqyttan beri Bank RBK-tiń basym baǵyttarynyń biri edi, qatań karantın jaǵdaıynda úıde otyryp, banktik qyzmetterdiń barlyq derlik túrlerin alý múmkindigi shuǵyl qajettilikke aınaldy.
Internet-bankıng paıdalanýshylary ózderiniń aqshalaryna táýlik boıy qoljetimdi, shottardy qashyqtyqtan ashady jáne óz qalaýy boıynsha qarjyny basqarady, tólemder, aýdarymdar nemese depozıtterdi konversııalaý boıynsha operasııalar jasaıdy. Qajet bolǵan jaǵdaıda, bank onlaın rejıminde ashylǵan kartalardy klıentterge jetkizýdi usynady. Bank qazirgi jaǵdaı qashyqtaǵy banktik júıeni paıdalanýshylar sanynyń ósýine jol ashady dep úmittenip otyr. Naryqtardaǵy qubylmalylyq jaǵdaıynda qarjylyq turaqtylyq jınaq aqshalaryn saqtaý úshin bankti tańdaýdyń basty ólshemi. Bank RBK óziniń depozıttik portfeliniń turaqty ósýi klıentterge degen senimniń eń jaqsy dáleli bolyp tabylatyndyǵyn aıtady. Banktiń málimetinshe, birinshi toqsanda onyń depozıttik bazasy 31 mlrd teńgege artyp, 346 mlrd teńgege jetti. Sonyń ishinde halyqtyń salymdary 22 mlrd teńgege kóbeıdi.
Turaqty qarjylyq jaǵdaı, sonymen qatar Bank RBK úlken marjamen retteýshi belgilegen barlyq standarttardy oryndaıtyndyǵynyń dáleli. Máselen, 1 sáýirdegi jaǵdaı boıynsha banktiń menshikti kapıtaly, bul qarjy ınstıtýtynyń túbegeıli turaqtylyǵynyń dáleli, bul normadan alty ese joǵary. О́z kezeginde, bankte qolma-qol aqshanyń bar ekendigin kórsetetin ótimdilik deńgeıi eń tómengi normadan 19 ese joǵary. Eń bastysy, táýelsiz halyqaralyq aýdıtorlyq kompanııalar júrgizgen aktıvter sapasyna (AQR) aýdıt kezinde banktiń nesıe portfeliniń sapasyn durys anyqtaýy rastaldy.
Bank RBK klıentterge shaǵyn jáne orta bıznesti jeńildetilgen nesıeleý boıynsha memlekettik baǵdarlama aıasynda da óz qarajaty esebinen nesıe berýdi jalǵastyrýda. Jyl basynan beri banktik klıentterge nesıe berý kólemi turaqty túrde ósýde, birinshi toqsanda portfeldiń ósýi 27 mlrd. Sáýirde bank el ekonomıkasyn nesıeleýdi odan ári arttyrdy. «Biz daǵdarystan keıingi ekonomıkalyq qalpyna keltirý týraly oılaýymyz kerek. Shaǵyn jáne orta bızneske osyndaı aýyr synaqtan keıin qaıta oralý úshin qoldaý qajet. Biz kásipkerler men olardyń bıznesin qoldaýǵa árdaıym daıynbyz», dep sózin qorytyndylady «Bank RBK»AQ Basqarma Tóraǵasy Natalıa Akentıeva.